05/30/2022
27 მაისს ბიზნესტექნოლოგიების ფაკულტეტზე გაიმართა“zoom”-პლატფორმის გამოყენებით
დავით შოშიტაშვილის საჯარო ლექცია თემაზე :
„საერთაშორისო ფინანსური ინსტიტუტები და მათი როლი საქართველოს განვითარების პროცესში”.
დავით შოშიტაშვილი არის ბიზნეს ადმინისტრირების და სოციალურ მეცნიერებათა სკოლის დეკანი.
დავით შოშიტაშვილმა 2004 წელს წარჩინებით დაამთავრა ივანე ჯავახიშვილის სახელობის თბილისის სახელმწიფო უნივერსიტეტი და მოიპოვა ბიზნეს ადმინისტრირების ბაკალავრის აკადემიური ხარისხი.
2006 წელს მან წარჩინებით დაასრულა აგრარული უნივერსიტეტის ბიზნესის ადმინისტრირების სამაგისტრო პროგრამა და მიენიჭა ბიზნეს ადმინისტრირების მაგისტრის აკადემიური ხარისხი.
2019 წელს მან დაამთავრა საქართველოს ტექნიკური უნივერსიტეტის სადოქტორო პროგრამა და მიენიჭა ბიზნესის ადმინისტრირების დოქტორის აკადემიური ხარისხი.
დავით შოშიტაშვილს აქვს 15 წლიანი (2004-2019 წწ.) მუშაობის სტაჟი საქართველოს ფინანსთა სამინისტროში სხვადასხვა პოზოციაზე. ბოლო პერიოდში მას დაკავებული ჰქონდა ხელმძღვანელი პოზიცია. იგი კოორდინაციას უწევდა საერთაშორისო პარტნიორებთან თანამშრომლობას, ასევე ფინანსთა სამინისტროს კომპეტენციის ფარგლებში კოორდინაციას უწევდა საქართველო-ევროკავშირის ასოცირების ხელშეკრულებით გათვალისინებული საქართველო-ევროკავშირის ღრმა და ყოვლისმომცველი თავისუფალი ვაჭრობის შეთანხმებით აღებული ვალდებულებების განხორციელებას; მუშაობდა საერთაშორისო საფინანსო ინსტიტუტებისა და საერთაშორისო პარტნიორების მიერ დაფინანსებულ საინვესტიციო პროექტებზე და პოლიტიკის განვითარების პროგრამებზე.
2009 წლიდან დავით შოშიტაშვილი კოორდინაციას უწევდა საჯარო ფინანსების მართვის რეფორმას საქართველოში და იყო საჯარო ფინანსების მართვის საკოორდინაციო საბჭოს წევრი. იგი ასევე კოორდინაციას უწევდა აშშ-ს მიერ უცხოური ანგარიშის საგადასახადო შესაბამისობის აქტით (FATCA) გათვალისწინებული ვალდებულებების შესრულების პროცესს საქართველოში.
2018-2019 წლებში დავით შოშიტაშვილი იყო საქართველოს სტრატეგიული კვლევებისა და განვითარების ცენტრის (CSRDG) ტრენერი/ექსპერტი ევროკავშირის საკითხებში.
2019 წლის სექტემბრიდან 2021 წლის ნოემბრამდე მუშაობდა აზიის განვითარების ბანკის სათაო ოფისში (მანილა, ფილიპინები) აღმასრულებელი დირექტორის მრჩევლის პოზიციაზე.
2021 წლის აპრილიდან იკავებს ბიზნეს ადმინისტრირების და სოციალურ მეცნიერებათა სკოლის დეკანის თანამდებობას თბილისის თავისუფალ აკადემიაში. 2021 წლის იანვრიდან ასევე არის აკადემიის ასისტენტ პროფესორი.
საჯარო ლექცია გახსნა სტუ-ს ბიზნესტექნოლოგიების ფაკულტეტის დეკანის მოადგილემ გიორგი სულაშილმა, შეხვედრამ საინტერესოდ ჩაირა. ლექციას ესწრებოდა საქართველოს ტექნიკური უნივერსიტეტის პეოფესორ-მასწავლბებლები და სტუდენტები, რომლებსაც შესაძლებლობა ჰქონდათ, კითხვა-პასუხის რეჟიმში მიეღოთ ინფორმაცია მათთვის საინტერესო საკითხების შესახებ.