ერასმუს+ გაცვლითი პროექტი ესპანეთში!

 სტუ-ს ბიზნესტექნოლოგიების ფაკულტეტის სტუდენტის წარმატება!

მოხარულები ვართ გაგიზიაროთ, რომ ბიზნესტექნოლიგიების ფაკულტეტის ბაკალავრიატის მეორე კურსის სტუდენტი თამარ ოთინაშვილი შეირჩა ერასმუს+ მოკლევადიან გაცვლით პროექტზე, რომელიც გაიმართება ა.წ. 5-13 ივნისის პერიოდში ესპანეთის ქ. მოლინაში, პროექტში მონაწილეობს 9 ქვეყანა. სტუდენტი შეირჩა სტუ-ს ბიზნესის და სამართლის ინსტიტუტის და პროაქტივ ჯგუფი ჯორჯიას ურთიერთთანამშრომლობით.

პროექტი სრულად დაფინანსებულია ევროკავშირის ერასმუს+ პროგრამის მიერ. ინსტიტუტი აქტიურად თანამშრომლობს სხვადასხვა ორგანიზაციებთან და ახორციელებს არაერთ მნიშნელოვან ერთობლივ პროექტებს, ღონისძიებებს სტუდენტთა პიროვნული და პროფესიული განვითარებისთვის ბიზნესტექნოლოგიების ფაკულტეტის ბაზაზე. ბიზნესტექნოლოგიების ფაკულტეტი აქტიურად მუშაობს ინტერნაციონალიზაციის განვითარების კუთხით, რათა მრავალფეროვანი შესაძლებლობები შესთავაზოს სტუდენტებს.