მიმდინარეობს კურსდამთავრებულთა საჯარო ლექციების ციკლი

5 მაისს ბიზნესტექნოლოგიების ფაკულტეტზე „zoom”-ის პლატფორმის გამოყენებით ჩატარდა ბატონი ლევან მიქავას საჯარო ლექცია თემაზე: „პროგრამული ბიუჯეტის დაგეგმვა ადგილობრივ თვითმართველობაში“, რომელიც საქართველოს ტექნიკური უნივერსიტეტის 100 წლის საიუბილეო თარიღს მიეძღვნა.

ლევან მიქავა ქალაქ თბილისის მუნიციპალიტეტის მერიის საფინანსო საქალაქო სამსახურის უფროსის მოადგილეა.
დაამთავრა გორის სახელმწიფო ეკონომიკურ-ჰუმანიტარული ინსტიტუტი. სპეციალობა ეკონომისტი.
დოქტორის აკადემიური ხარისხი ბიზნესის ადმინისტრირებაში მოიპოვა საქართველოს ტექნიკურ უნივერსიტეტში.
ლევან მიქავას გამოქვეყნებული აქვს ათამდე სტატია სხვადასხვა ჟურნალებში და არის სახელმძღვანელოს ავტორი (ფინანსების საფუძვლები 2020 წელი).

საჯარო ლექცია გახსნა ბიზნესტექნოლოგიების ფაკულტეტის დეკანის მოადგილემ ასოცირებულმა პროფესორმა გიორგი სულაშვილმა. შეხვედრამ საინტერესოდ ჩაიარა. შეხვედრას ესწრებოდნენ ქ. თბილისის მერიისა და საკრებულოს თანამშრომლები, პროფესორ-მასწავლებლები და სტუდენტები , მათ შესაძლებლობა ჰქონდათ კითხვებზე მიეღოთ ამომწურავი პასუხები.