English |
Русский |
დეპარტამენტები
ძებნა |
საიტის რუკა |
კონტაქტი
საქართველოს ტექნიკური უნივერსიტეტის 100 წლის საიუბილეო ღონისძიებების ფარგლებში, სტუ-ის ბიზნესტექნოლოგიების ფაკულტეტის, ზაარლანდის ტექნიკისა და ეკონომიკის უნივერსიტეტისა და შავი ზღვის საერთაშორისო უნივერსიტეტის თანაორგანიზებით, 2022 წლის 2 მაისს საერთაშორისო სამეცნიერო კონფერენცია – „მსოფლიოს გლობალური გამოწვევები“ ჩატარდა.
კონფერენციას მიესალმნენ სტუ-ის ბიზნესტექნოლოგიების ფაკულტეტის დეკანი, პროფესორი რუსუდან ქუთათელაძე; სტუ-ის რექტორის მოადგილე, პროფესორი ზურაბ გასიტაშვილი; შავი ზღვის საერთაშორისო უნივერსიტეტის რექტორი ბაირაქთუთან საფფეტი; ზაარლანდის ტექნიკისა და ეკონომიკის უნივერსიტეტის პროფესორები შტეფან ჰურტერი; ვილჰემ ჰაუზერი, რომელიც ამავე დროს საქართველოს ტექნიკური უნივერსიტეტის მოწვეული პროფესორი და საპატიო დოქტორია; შავი ზღვის საერთაშორისო უნივერსიტეტის სამართლის ფაკულტეტის დეკანი, სტუ-ის სამართლისა და საერთაშორისო ურთიერთობების ფაკულტეტის პროფესორი ქეთევან ქოქრაშვილი; სტუ-ის ბიზნესტექნოლოგიების ფაკუტეტის ასოცირებელი პროფესორი ოთარ ბაღათურია.
კონფერენციის მონაწილეებმა მუშაობა გააგრძელეს სექციებში:
· სექცია 1 - სახელმწიფო მართვისა და საჯარო მმართველობის თანამედროვე გამოწვევები - ხელმძღვანელი: პროფ.შოთა დოღონაძე;
· სექცია 2 - მსოფლიოს ეკონომიკის განვითარების გლობალური მიმართულებები - ხელმძღვანელი: პროფ. შოთა დოღონაძე
· სექცია 3 - მენეჯმენტის თეორიისა და პრაქტიკის განვითარების თანამედროვე ტენდენციები და პერსპექტივები - ხელმძღვანელი: პროფ. გიორგი ბაღათურია
· სექცია 4 - სამართალი და პოლიტიკა თანამედროვე გლობალურ სამყაროში - ხელმძღვანელი: პროფ. ქეთევან ქოქრაშვილი
მომხსენებლების ნაშრომებში წარმოდგენილი იყო თანამედროვე გლობალურ სამყაროში არსებული გამოწვევები კაცობრიობის მოღვაწეობის სხვადასხვა მიმართულებით - სახელმწიფო მართვისა და საჯარო მმართველობის სფეროში, მსოფლიოს ეკონომიკის განვითარების გლობალური ტრენდები, მენეჯმენტის თეორიისა და პრაქტიკის განვითარების თანამედროვე ტენდენციები და პერსპექტივები, აგრეთვე თანამედროვე გლობალური სამყაროსთვის დამახასიათებელი სამართლებრივი პრობლემები და პოლიტიკური რეალობის სპეციფიკური ასპექტები.
მუშაობა წარიმართა საინტერესოდ. კონფერენციაზე განხილული თემები მონოგრაფიის სახით გამოიცემა ნაშრომებში. განხილული რეკომენდაციები კი სასარგებლო იქნება თანამედროვე მსოფლიოს პოლიტიკურ-ეკონომიკური გამოწვევების კვლევით დაინტერესებული აკადემიური წრეების, პოლიტიკის, ეკონომიკის და სოციალური ურთიერთობების თეორეტიკოსებისა და პრაქტიკოსებისათვის.