საქართველოს განათლებისა და მეცნიერების სამინისტრო მეცნიერების პოპულარიზაციის ხელშეწყობის მიზნით, ყოველწლიურად ორგანიზებას უწევს სხვადასხვა სახის სამეცნიერო-შემეცნებითი ღონისძიების ჩატარებას, რომელშიც მონაწილეობას იღებენ უმაღლესი საგანმანათლებლო დაწესებულებები, სამეცნიერო-კვლევითი ცენტრები და სხვა ორგანიზაციები.

ბათუმის შოთა რუსთაველის სახელმწიფო უნივერსიტეტის მასპინძლობით, ამა წლის ივლისის თვეში, გაიმართება სამეცნიერო - საგანმანათლებლო ღონისძიება - „საზღვაო ქვეყნის ლურჯი პოლიტიკა“, რომელიც ითვალისწინებს ფართო საზოგადოებისათვის შავი ზღვისა და სანაპირო ზოლის შესახებ არსებული უახლესი კვლევების პრეზენტაციას, კონფერენციის ჩატარებას, შემეცნებითი ვიქტორინებს, ექსპერიმენტებს მოსწავლეებისათვის და სხვა აქტივობებს.