28 აპრილს ბიზნესტექნოლოგიების ფაკულტეტზე „zoom”-ის პლატფორმის გამოყენებით ჩატარდა ბატონი ვილჰემ ჰაუზერის საჯარო ლექცია თემაზე: "ლოგისტიკური სერვისის ასპექტები“, რომელიც საქართველოს ტექნიკური უნივერსიტეტის 100 წლის საიუბილეო თარიღს მიეძღვნა.

ბატონი ვილჰემ ჰაუზერი ზაარლანდის ტექნიკისა და ეკონომიკის უნივერსიტეტის პროფესორი, საქართველოს ტექნიკური უნივერსიტეტის საპატიო დოქტორი და მოწვეული პროფესორია.

საჯარო ლექცია გახსნა ბიზნესტექნოლოგიების ფაკულტეტის დეკანმა, პროფესორმა რუსუდან ქუთათელაძემ. შეხვედრამ ძალიან საინტერესოდ ჩაიარა, შეხვედრას პროფესორ- მასწვლებლებთან ერთად ესწრებოდნენ სტუდენტები სტუ-ს სხვადასხვა ფაკულტეტებიდან. მათ შესაძლებლობა ჰქონდათ კითხვა-პასუხის რეჟიმში მიეღოთ ინფორმაცია მათვის საინტერესო საკითხების შესახებ .