English |
Русский |
დეპარტამენტები
ძებნა |
საიტის რუკა |
კონტაქტი
19 აპრილს ბიზნესტექნოლოგიების ფაკულტეტზე გაიმართა“zoom”-პლატფორმის გამოყენებით, საჯარო მმართველობის დოქტორი თამთა ღლონტის საჯარო ლექცია თემაზე: "კომუნიკაცია-ადამიანების მართვის ხელოვნება", რომელიც ჩატარდა საქართველოს ტექნიკური უნივერისტეტის 100 წლის საიუბილეო თარიღთან მიძღვნილ ღონისძიებების ფარგლებში.
თამთა ღლონტი მუშაობს საქართველოს პარლამენტის აპარატში და საქართველოს ტექნიკური უნივერსიტეტის ასისტენტ- პროფესორია.დაამთავრა ივ.ჯავახიშვილის სახ. სახელმწიფო უნივერსიტეტის სოც.და პოლიტიკურ მეცნიერებათა ფაკულტეტი. სპეციალობა ჟურნალისტიკა. მაგისტრის ხარისხი დაიცვა ამავე უნივერსიტეტში ჟურნალიზმისა და მასკომუნიკაციის განხრით.დოქტორის აკადემიური ხარისხი საჯარო მმართველობაში მოიპოვა საქართველოს ტექნიკურ უნივერსიტეტში. დამთავრებული აქვს მარკეტინგის ქართულ-ჰოლანდიური საერთაშორისო უნივერსიტეტი "NIMA". ინტერესის სფერო: ჟურნალისტიკა, სახელმწიფო მმართველობა, პერსონალური მონაცემების დაცვა, კომუნიკაციის ფსიქოლოგია.
საჯარო ლექცია გახსნა სტუ-ს ბიზნესტექნოლოგიების ფაკულტეტის დეკანმა, პროფესორმა რუსუდან ქუთათელაძემ. შეხვედრამ ძალიან საინტერესოდ ჩაირა. ლექციას ესწრებოდა საქართველოს ტექნიკური უნივერსიტეტის რექტორი, პროფესორი ბატონი დავით გურგენიძე, პარლამენტარები, პროფესორ-მასწავლებლები და სტუდენტები, რომლებსაც შესაძლებლობა ჰქონდათ, კითხვა-პასუხის რეჟიმში მიეღოთ ინფორმაცია მათთვის საინტერესო საკითხების შესახებ.