მიმდინარეობს კურსდამთავრებულთა საჯარო ლექციების ციკლი

15 აპრილს ბიზნესტექნოლოგიების ფაკულტეტზე გაიმართა “zoom”- პლატფორმის გამოყენებით, ბიზნესის ადმინისტრირების დოქტორის  ბაქარ ბარათაშვილის საჯარო ლექცია თემაზე: „ინვესტიციების ყველასათვის"  რომელიც ჩატარდა   საქართველოს ტექნიკური უნივერისტეტის 100 წლის საიუბილეო თარიღთან მიძღვნილ ღონისძებების ფარგლებში. ბაქარ ბარათაშვილი არის საქართველოს ეკონომიკური წიგნიერების ინიციატივის (GELi) დამფუძნებელი და დირექტორის მოადგილე, ასევე მოწვეული პროფესორი ეკონომიკის საერთაშორისო სკოლაში (ISET), სადაც ასწავლის კორპორაციულ ფინანსებს. 2019-2021 წლებში იყო ISET-ის დირექტორის მოადგილე ფინანსურ და კვლევითი ინსტიტუტის საკითხებში, ხოლო 2013-2019 წლებში ასწავლიდა ეკონომიკას და ფინანსებს კუვეიტში, შუა აღმოსავლეთის ამერიკულ უნივერსიტეტში.

საჯარო ლექცია გახსნა სტუ-ს ბიზნესტექნოლოგიების ფაკულტეტის დეკანმა, პროფესორმა რუსუდან ქუთათელაძემ. შეხვედრამ ძალიან საინტერესოდ ჩაირა.  ლექციას ესწრებოდნენ პროფესორ-მასწავლებლები და სტუდენტები, რომლებსაც შესაძლებლობა ჰქონდათ, კითხვა-პასუხის რეჟიმში მიეღოთ  ინფორმაცია მათთვის საინტერესო საკითხების შესახებ.