04/18/2022


ინფორმაცია ესტონეთის მთავრობის სტიპენდიების პროგრამების შესახებ საერთაშორისო სტუდენტების, მკვლევრებისა და აკადემიური პერსონალისათვის, 2022/23 სასწავლო წლისათვის

https://gtu.ge/Suss/News/?ELEMENT_ID=19304


ესტონეთის განათლებისა და მეცნიერების სამინისტროსთან არსებული განათლების და ახალგაზრდობის საკითხთა ბორდი (HARNO) აცხადებს ესტონეთის მთავრობის მიერ დაწესებული სტიპენდიების პროგრამებს 2022-2023 სასწავლო წლისათვის.

სასტიპენდიო პროგრამები გათვალისწინებულია საერთაშორისო სტუდენტების, მკვლევრებისა და აკადემიური პერსონალისათვის.

სააპლიკაციო განაცხადების მიღება იწარმოებს ონლაინ, მიმდინარე წლის 1 მაისამდე.

საზაფხულო სკოლაში მონაწილეობა შეუძლიათ სამივე საფეხურის სტუდენტებს და მისი ხანგრძლივობა 1-4 კვირას შეადგენს.
სტიპენდია მოიცავს: სასწავლო კურსის გადასახადს (500 ევრო) და აკომოდაციის ხარჯებს (დღეში 25 ევრო).

მკვლევრებისა და აკადემიური პერსონალისთვის სტიპენდიის ხანგრძლივობა 10 თვემდეა: 1-10 დღე ვიზიტისთვის 45 ევრო დღიურად, 10 დღეზე მეტი ხანგრძლივობით - 660 ევრო თვეში.

საერთაშორისო სტუდენტებისთვის სასტიპენდიო პროგრამაზე კონკურსი გამოცხადდება და განაცხადების მიღება დაიწყება მიმდინარე წლის 1-ელი აგვისტოდან 1-ელ სექტემბრამდე.

დამატებითი ინფორმაცია შემოთავაზებული პროგრამების, საკვალიფიკაციო მოთხოვნების, პირობებისა და განაცხადის შეტანის პროცედურებთან დაკავშირებით იხილეთ აქ.


პატივისცემით,
--

საერთაშორისო ურთიერთობების დეპარტამენტი

საქართველოს ტექნიკური უნივერსიტეტი

ტელ/ფაქსი: (+995 32) 237 54 34

https://gtu.ge/Suss/

www.gtu.ge

International Relations Department

Georgian Technical University

Tel / Fax: (+995 32) 237 54 34

https://gtu.ge/Suss/

www.gtu.ge