English |
Русский |
დეპარტამენტები
ძებნა |
საიტის რუკა |
კონტაქტი
პატივცემულო ქალბატონო/ბატონო,
გიწვევთ ევროკავშირის მიერ დაფინანსებული „საქართველოს მკვლევართა მხარდაჭერის პროგრამის“ საინფორმაციო შეხვედრაზე, რომელიც გაიმართება 2022 წლის 13 აპრილს.
პროგრამას ახორციელებს გერმანიის აკადემიური გაცვლის სამსახური (DAAD).
პროგრამა მიზნად ისახავს საქართველოს მეცნიერების, ტექნოლოგიებისა და ინოვაციების სექტორის ინტერნაციონალიზაციის ხელშეწყობას საერთაშორისო კავშირების დამყარების პროცესში საქართველოს მკვლევართა მხარდაჭერის გზით. აღნიშნული მიზნების მისაღწევად პროგრამის ფარგლებში დაგეგმილია მკვლევართა მობილობის საგრანტო კონკურსის ადმინისტრირება;
საინფორმაციო შეხვედრაზე გაეცნობით საგრანტო კონკურსის პირობებს, რომელიც ითვალისწინებს მკვლევართა და ინოვატორთა კვლევითი ვიზიტის დაფინანსებას ევროკავშირის წევრ ქვეყნებში.
შეხვედრის ფარგლებში სამიზნე აუდიტორიას მიეწოდება ინფორმაცია შემდეგ საკითხებზე:
Ø მობილობის საგრანტო კონკურსის აღწერა, მისი მიზნები და ამოცანები;
Ø კონკურსის ადმინისტრირების კალენდარი;
Ø კვლევითი ვიზიტის ხანგრძლივობა და ბიუჯეტი;
Ø სამიზნე აუდიტორია და კონკურსში მონაწილეობის კრიტერიუმები;
Ø განაცხადების მიღების პროცესი;
Ø მოსალოდნელი შედეგები და ვალდებულებების შესრულების ინდიკატორები.
შეხვედრის სამუშაო ენა, ისევე, როგორც კონკურსის ადმინისტრირების ენა გახლავთ ინგლისური.
შეხვედრაში მონაწილეობის მისაღებად, გთხოვთ, მიმდინარე წლის 8 აპრილის დღის ბოლომდე შეავსოდ სარეგისტრაციო ფორმა
https://docs.google.com/forms/d/e/1FAIpQLSfqn3PZ5VsJfTgV2nfm2_TEmgT8rcUkSWHPcKjusnY98bFgfw/viewform
შეხვედრაზე დასწრების რეგისტრირებულ მსურველებს 11 აპრილს გამოგეგზავნებათ შეხვედრის ზუსტი დრო და მისამართი.
მადლობას მოგახსენებთ თანამშრომლობისთვის.
პატივისცემით,
პროფ. ნინო გაჩეჩილაძე პროფ. პიტერ დებრეცენი
გუნდის ხელმძღვანელის მოადგილე გუნდის ხელმძღვანელი “საქართველოს მკვლევართა “საქართველოს მკვლევართა მობილობის მხარდაჭერის“ პროგრამა მობილობის მხარდაჭერის“ პროგრამა