11 აპრილს იწყება  საჯარო აუდიტის ინსტიტუტისა და საერთაშორისო აუდიტორული კომპანიების ერთობლივი პროექტი, რომლის მიზანია აუდიტის სფეროს მიმართულებით  დაინტერესებული ახალგაზრდების კარიერული განვითარების ხელშეწყობა.  

პროექტში მონაწილეობა შეუძლიათ III-IV კურსის სტუდენტებს, რომლებთაც აქვთ საშუალო შეწონილი ქულა (GPA) 3.5 ან მეტი, ფლობენ ინგლისურ ენას B2 დონეზე  და გავლილი აქვთ ფინანსური აღრიცხვის კურსი ან ACCA F3 დონე. 

პროექტის ფარგლებში, სტუდენტები შეხვდებიან საერთაშორისო აუდიტორული კომპანიების წარმომადგენლებს და მონაწილეობას მიიღებენ საჯარო აუდიტის ინსტიტუტის მიერ ორგანიზებულ  სასწავლო ღონისძიებაში,  რომელიც დაეხმარება მათ სტაჟირების პროგრამის ფარგლებში გამოცხადებული კონკურსის წარმატებით გავლაში.