English |
Русский |
დეპარტამენტები
ძებნა |
საიტის რუკა |
კონტაქტი
„ზაარლანდის ტექნიკისა და ეკონომიკის უნივერსიტეტის“ პროფესორ ვილჰელმ ჰაუზერის ონლაინ-ლექცია საქართველოს ტექნიკურ უნივერსიტეტში
„ზაარლანდის ტექნიკისა და ეკონომიკის უნივერსიტეტის“ პროფესორმა ვილჰელმ ჰაუზერმა, 2021 წლის 17 დეკემბერს საქართველოს ტექნიკური უნივერსიტეტის ბიზნესტექნოლოგიების ფაკულტეტის სტუდენტებთან წაიკითხა ონლაინ საჯარო ლექცია თემაზე: „ქართულ აფხაზური კონფლიქტი და მისი მოგვარების გზები გერმანელი პროფესორის თვალით“.
პროფ. ჰაუზერმა აღნიშნა, რომ კონფლიქტების სხვა მაგალითები მსოფლიო ისტორიაშიც გვხვდება, კერძოდ, პროფ. ჰაუზერმა განიხილა კონფლიქტი გერმანიის ფედერაციულ რესპუბლიკასა და გერმანიის დემოკრატიულ რესპუბლიკას შორის. რის შედეგადაც, 1949 წლიდან 1990 წლამდე გერმანია იყო ორად გაყოფილი სახელმწიფო, სადაც ერთის მხრივ სახეზე იყო მზარდი ეკონომიკური კეთილდღეობა გერმანიის ფედერაციულ რესპუბლიკაში 1950-1960-იან წლებში (გერმანიის ეკონომიკური სასწაული), ხოლო მეორეს მხრივ სტაგნაცია და მოსახლეობის ნაკლები უზრუნველყოფა გერმანიის დემოკრატიულ რესპუბლიკაში. პროფ. ჰაუზერმა აღნიშნა, რომ ადამიანური, კულტურული და ეკონომიკური კონტაქტების გააქტიურებამ მნიშვნელოვნად შეუწყო ხელი გერმანიის გაერთიანებას.
აღსანიშნავია, რომ პროფ. ჰაუზერმა სტუ–ს ბიზნესტექნოლოგიების ფაკულტეტის სტუდენტებს გააცნო თავის ხედვა, თუ როგორ უნდა მოხდეს აფხაზეთში არსებული კონფლიქტის მშვიდობიანი გზით მოგვარება. პროფ. ჰაუზერმა სტუდენტებთან ასევე აღნიშნა, რომ მშვიდობიანი დაახლოების პროცესი ბევრი თანმიმდევრული ნაბიჯისგან შედგება და განიხილა საქართველოს მხრიდან აფხაზეთთან მშვიდობიანი დაახლოებისთვის გასატარებელი შესაძლო ღონისძიებები.
ლექციას ესწრებოდნენ სტუ–ს „ბიზნესტექნოლოგიების ფაკულტეტის“ სტუდენტები და პროფესორ–მასწავლებლები. ლექციამ დაიმსახურა სტუდენტების დიდი მოწონება.
პრეზენტაცია (გერმანულად)