ჩატარდა ფაკულტეტის საბჭოს სხდომა

10 დეკემბერს ბიზნესტექნოლოგიების ფაკულტეტზე ჩატარდა ფაკულტეტის საბჭოს სხდომა.

ფაკულტეტის დეკანმა სტუ-ში ხანგრძლივი და ნაყოფიერი მეცნიერული და პედაგოგიური საქმიანობისათვის, სტუდენტ-ახალგაზრდობის აღზრდაში გაწეული დიდი ღვაწლისათვის და საგანმანათლებლო პროგრამების განვითარების უზრუნველყოფის საქმეში შეტანილი წვლილისათვის პროფესორები დააჯილდოვა საპატიო დიპლომებით:

1. პაატა კოღუაშვილი;

2. თამარ რევაზიშვილი;

3. ნუნუ ოვსიანიკოვა;

4. ლილი გვენეტაძე;

5. გუგული ყურაშვილი;

6. ოთარ ქოჩორაძე;

7. მარინა მეტრეველი;

8. თემურ ყანდაშვილი;

9. ალეკო ქუთათელაძე;

10. რატი ბურდიაშვილი;

11. ლევან გრიგალაშვილი;

12. ანზორ აბრალავა;

13. გიორგი ბაღათურია;

14. გენადი იაშვილი;

15. შოთა დოღონაძე;

16. ევგენი ბარათაშვილი;

17. გიორგი ცაავა

საბჭომ დაამტკიცა „საჯარო მმართველობის“ საგანმანათლებლო პროგრამების (საბაკალავრო, სამაგისტრო, სადოქტორო) ახალი სილაბუსები და არსებული სილაბუსების მოდიფიცირება განახორციელა; ანალოგიურად დაამტკიცა „ბიზნესის ადმინისტრირების“ სამაგისტრო საგანმანათლებლო პროგრამის ახალი სილაბუსები და არსებული სილაბუსების მოდიფიცირება;

ფაკულტეტის საბჭომ განიხილა 2022 წლის ბიუჯეტის პროექტი და გადასცა სტუ-ის სენატს დასამტკიცებლად.

ფაკულტეტის დეკანმა, რუსუდან ქუთათელაძემ პროფესორებს კიდევ ერთხელ შეახსენა, რომ ლექცია-სემინარების გაცდენის შემთხვევაში სასურველია თვითონ პროფესორმა აღადგინოს გაცდენა მომდევნო მეცადინეობამდე, აუცილებლად შეატყობინოს ამის შესახებ დეპარტამენტის უფროსს და თუ ვერ ახერხებს აღდგენას, მაშინ დეპარტამენტის უფროსმა უნდა უზრუნველყოს ჩამნაცვლებლის მიერ ლექცია-სემინარის ჩატარება.

ასევე დეკანმა სთხოვა პროფესორებს my.gtu.ge-ზე განაახლონ პირადი ინფორმაცია და შრომების ჩამონათვალი;

სტუ-ის 100 წლის იუბილესთან დაკავშირებით კი მოიფიქრონ როგორც ფაკულტეტისთვის, ასევე უნივერსიტეტისათვის მნიშვნელოვანი ღონისძიებები.

დააანონსა ახალი პროექტის „გაიცანი შენი ლექტორი“ დაწყება;

საბჭოს წევრებს გააცნო 9 თებერვალს ჩატარებული არჩევნების შედეგები. სტუ-ის სენატში ფაკულტეტიდან არჩეული იქნა 3 სტუდენტი: გიორგი ქოჩორაშვილი, თამარ ოთინაშვილი, გოგა გელიტაშვილი.