English |
Русский |
დეპარტამენტები
ძებნა |
საიტის რუკა |
კონტაქტი
პროფ. დოქტ. დ.გურგენიძეს
12.11.2021
თანამშრომლობა საქართველოს ტექნიკურ უნივერსიტეტსა და ზაარლანდის ტექნიკისა და ეკონომიკის უნივერსიტეტს შორის
ძვირფასო ბატონო პროფ.დოქტ. დ.გურგენიძე,
რამდენიმე კვირის წინ ჩემი კოლეგისგან, პროფ. საპატ.დოქტ. ვილჰელმ ჰაუზერისგან გადავიბარე ზაარლანდის ტექნიკისა და ეკონომიკის უნივერსიტეტს (HTW Saar) და საქართველოს ტექნიკურ უნივერსიტეტს (სტუ) შორის თანამშრომლობის კოორდინაციაზე პასუხისმგებლის ფუნქციები. HTW Saar–ს და სტუ–ს შორის თანამშრომლობა 1980–იანი წლებიდან არსებობს და მრავალ წარმატებულ ერთობლივ პროექტს მოიცავს. ამჟამად მსურს შეგატყობინოთ მიმდინარე და ახლო მომავალში დაგეგმილი პროექტების შესახებ.
მიმდინარე პროექტები:
– სტუ-ს სტუდენტების მონაწილეობა HTW–ს ონლაინ ლექციებში 2020 წლის ზამთრის სემესტრიდან;
– პროფ. საპატ.დოქტ. ვილჰელმ ჰაუზერის მოწვეული პროფესორობა სტუ–ში და ლექციები კონტროლისა და ლოგისტიკის საგნებში;
– რეგულარული ონლაინ ლექციები HTW–ს წარმომადგენლების მხრიდან სტუ-ს სტუდენტებისთვის;
– HTW Saar-ის წარმომადგენლების მონაწილეობა და ლექციები RIPA-ს შეხვედრებში (საჯარო მმართველობის პრობლემათა კვლევის ინსტიტუტი);
– სადოქტორო პროგრამის შემუშავება სტუ–ში, რომლითაც დაინტერესებულნი არიან ასევე HTWSaar-ის მაგისტრები;
დაგეგმილი პროექტები:
- HTW Saar-ის პროფესორების მონაწილეობა სტუ–ს საერთაშორისო კონფერენციებში;
- სტუ–ს პროფესორების მონაწილეობა HTW Saar-ის საერთაშორისო კონფერენციებში;
- HTWSaar-ის პროფესორების და სტუდენტების ვიზიტი სტუ-ში; ასევე სტუ–ს ლექციებზე დასწრება 2022–ს გაზაფხულის სემესტრში;
- სტუ–ს პროფესორების და სტუდენტების ვიზიტი HTWSaar-ში. ასევე HTWSaar-ის ლექციებზე დასწრება 2022–ს გაზაფხულის სემესტრში – გერმანიის აკადემიური გაცვლის სამსახურის (DAAD)-ის დაფინანსების მოპოვება; DAAD-ში განაცხადის წარდგენა სტუ–ს ბიზნესტექნოლოგიების ფაკულტეტის მიერ.
- მაგისტრატურის „ორმაგი დიპლომის“ პროექტის მომზადება.
ჩვენ ძალიან კარგად და ინტენსიურად ვთანამშრომლობთ სტუ–ს პროფესორებთან. კერძოდ: პროფ. დოქტ. რუსუდან ქუთათელაძე, პროფ. დოქტ. გენადი იაშვილი, პროფ. დოქტ. თინათინ იაშვილი, პროფ. დოქტ. ანზორ აბრალავა, პროფ. დოქტ. ბესიკ შერაზადიშვილი, პროფ. დოქტ. მარიამ ცაცანაშვილი.
იმედი გვაქვს მომავალშიც წარმატებით გავაგრძელებთ არსებულ თანამშრომლობას. მოხარული ვართ თქვენთან თანამშრომლობით.
პროფ.დოქტ. შტეფან ჰუტერი
სტუ–HTW-ს თანამშრომლობის
კოორდინაციაზე პასუხისმგებელი
პროფ.დოქტ. შტეფან ჰუტერის წერილის დედანი