English |
Русский |
დეპარტამენტები
ძებნა |
საიტის რუკა |
კონტაქტი
მივლინების ანგარიში
საქართველოს ტექნიკური უნივერსიტეტის რექტორის 2021 წლის 13 ოქტომბრის №05-04-15/79 ბრძანების საფუძველზე საქართველოს ტექნიკური უნივერსიტეტის დელეგაცია (რ. ქუთათელაძე - ბიზნესტექნოლოგიების ფაკულტეტის დეკანი, ქ. ქოქრაშვილი - სამართლისა და საერთაშორისო ურთიერთობების ფაკულტეტის პროფესორი, ა. აბრალავა - ბიზნესტექნოლოგიების ფაკულტეტის პროფესორი, ლაშა გორგაძე - ბიზნესტექნოლოგიების ფაკულტეტის უფროსი მასწავლებელი) ვიმყოფებოდით მივლინებით გერმანიაში.
16 ოქტომბერს მიუნხენში მიწვეული ვიყავით ვლახოპულოს საადვოკატო ბიუროში, სადაც გაფორმდა მემორანდუმი უნივერსიტეტსა და იურიდიულ კომპანიას შორის. საკონტაქტო პირად დაინიშნა ლაშა გორგაძე.
18-21 ოქტომბერს მიმდინარეობდა შეხვედრები საქართველოს დელეგაციასა და ზაარლანდის ტექნიკისა და ეკონომიკის უნივერსიტეტის წარმომადგენლებს შორის.
პირველი შეხვედრა გაიმართა ზაარბრიუკენის მერიაში, სადაც დიდი პატივისცემით შეხვდნენჩვენს დელეგაციას და გამოთქვეს კმაყოფილება, რომ ეს ურთიერთობები გრძელდება. მიპატიჟებული ვიყავით „ფილმის დარბაზში“, სადაც მერიისა და უნივერსიტეტების წარმომადგენლებს შორის გაიმართა საქმიანი შეხვედრა.
ზაარლანდის ტექნიკისა და ეკონომიკის უნივერსიტეტში (HTW Saar) შედგა შეხვედრები, სადაც მომწვევიმხარის მიერ დაინიშნა ახალი კურატორი (ყოფილი დეკანი - შტეფან ჰუტერი), რომელიც აქტიურად იყო ჩართული ამ შეხვედრებში. შეთანხმდა არსებული მემორანდუმის განახლების აუცილებლობა და შესაბამისი საკითხები.
სტუ-ის 100 წლის იუბილეზე მოვიპატიჟეთ ჩვენი კოლეგები, პროფესორ ვილჰელმ ჰოიზერს შევთავაზეთ პროფესორად მოწვევა სტუ-ში, პროფესორ შტეფან ჰუტერს - ინგლისურენოვანი სადოქტორო საგანმანათლებლო პროგრამის თანახელმძღვანელობა და ერთობლივი, სტუდენტთა საერთაშორისო კონფერენციის ჩატარება 2022 წლის გაზაფხულზე.
გაგრძელდება საჯარო ლექციების ჩატარება როგორც ჩვენი, ასევე HTW-ს პროფესორების მიერ.
შტეფან ჰუტერმა გამოთქვა სურვილი, რათა 2022 წლის გაზაფხულზე HTW-ს დელეგაცია, რომელშიც იქნებიან პროფესორები და სტუდენტები, ჩამოვიდნენ საქართველოში.
გარდა ამისა ვისაუბრეთ, თუ რა გზებით უნდა მოიპოვონ ჩვენმა სტუდენტებმა დაფინანსება (DAAD და ERASMUS+ პროგრამა), რომ შეძლონ წასვლა და სწავლა ჩვენს პარტნიორ ზაარლანდის ტექნიკისა და ეკონომიკის უნივერსიტეტში.