English |
Русский |
დეპარტამენტები
ძებნა |
საიტის რუკა |
კონტაქტი
ბიზნესტექნოლოგიების ფაკულტეტის პროფესორების მივლინება
ბიზნესტექნოლოგიების ფაკულტეტის ასოცირებული პროფესორები რუსუდან ქინქლაძე და შორენა მეტრეველი 2021 წლის 15-16 მაისს იმყოფებოდნენ ქ. თელავში, სადაც ჩატარდა გასვლითი სამუშაო შეხვედრა გაეროს განვითარების პროგრამის (UNDP) და შვედეთის მთავრობის მიერ დაფინანსებულ პროექტის - „საქსტატის ინფრასტრუქტურის გაძლიერება და შესაძლებლობების განვითარება“ ფარგლებში.
გასვლით სამუშაო შეხვედრას, რომელშიც მონაწილეობა მიიღო სამეცნიერო წრეების წარმომადგენლებმა და ათამდე უმაღლესი სასწავლებლის აკადემიურმა პერსონალმა ხელმძღვანელობდა საქსტატის აღმასრულებელი დირექტორი გოგიტა თოდრაძე.
სამუშაო შეხვედრისას მონაწილეები გაეცნენ საქართველოს სტატისტიკის სისტემის განვითარების ძირითად მიმართულებებს, საქსტატის მიერ შემუშავებულ პროდუქტებს და 2020-2023 წლების განვითარების სტრატეგიას. ასევე განიხილეს სტატისტიკური მაჩვანებლების გაანგარიშების მეთოდოლოგიური თავისებურებები და მათ გამოყენებასთან დაკავშირებული საკითხები. იმსჯელეს სხვადასხვა სტატისტიკური ინდიკატორებისა და მონაცემების საჭიროებებზე.
შეხვედრის ფარგლებში, მრგვალ მაგიდასთან გაიმართა დისკუსია და მსჯელობა სტატისტიკურ მონაცემებთან დაკავშირებით საჭიროებები, რომელიც შემდგომში აისახება საქსტატის სამომავლო გეგმებში.
ჩვენმა პროფესორებმა ურთიერთობა დაამყარეს სხვადასხვა უნივერსიტეტების მეცნიერებთან და მკვლევარებთან.