27 აპრილს მსოფლიო ბანკისა და ევროკავშირის მხარდაჭერით ჩატარდა საინტერესო ვებინარი „ეროვნული საგანმანათლებლო ინიციატივები ბუღალტრული აღრიცხვისა და აუდიტის სფეროში/ უმაღლესი და პროფესიული განათლების ინტეგრაცია“ - სტუ-ის ბიზნესტექნოლოგიების ფაკულტეტის პროფესორების:ევგენი ბარათაშვილი, ლევან გრიგალაშვილი, ნათელა მარტინენკო,  ხათუნა ხარხელაურის, თამარ ხინიკაძის, რატი ბურდიაშვილის, ნინო ფაილოძის - ბიზნესმონაწილეობით.

აღნიშნულ ვებინარზე განიხილებოდა საკითხები, რომლებიც დაკავშირებულია ბუღალტრული აღრიცხვისა და აუდიტის სფეროში უმაღლესი საგანმანათლებლო  და პროფესიული (ბაფი, ACCA,) დაწესებულებებში სწავლების  აუცილებელი ინტეგრაციის თემასთან.

ვებინარზე მომხსენებლებმა განაცხადეს რომ, მსოფლიო ბანკის ჯგუფი ანხორციელებს პროგრამას, რომელიც მიზნად ისახავს უმაღლესი საგანმანათლებლო დაწესებულებების  პროგრამებში არსებული ბუღალტრული აღრიცხვისა და აუდიტის სფეროს სასწავლო კურსების სილაბუსების, სასწავლო ლიტერატურისა და საგამოცდო პროცესის დაახლოებას /ინტეგრირებას პროფესიულ ორგანიზაციების (ბაფი, ACCA,)  სტანდარტებთან, მათი ჩათვლისა და აღიარების მოსაპოვებლად. (მომხსენებელი მსოფლიო ბანკის კონსულტანტი ნატალია კონვალენკო).

როგორც დისკუსიაში მონაწილე  პროფესიული ორგანიზაციების (ბაფი, ACCA,)   და SARAS - ის აუდიტისა და პროფესიული განათლების დეპარტამენტის,  ასევე დამსწრე უსდ-ების (თსუ, ილიაუნი, BTU) წარმომადგენლებმა  აღნიშნეს  ეს პროცესი უკვე რამდენიმე წელია წარმატებით მიმდინარეობს და კვლავაც გაგრძელდება ურთიერთ თანამშრომლობა.

შეხვედრის ბოლოს მსოფლიო ბანკის წარმომადგენელმა უმაღლეს სასწავლო დაწესებულებების წარმომადგენლებს რომლებიც ჯერ ამ პროცესში არ ჩართულან, შეთავაზა  დახმარება შემდეგი მიმართულებებით :

·         ACCA სასწავლო მასალა და საგამოცდო საკითხების ნიმუშები ქართულ ენაზე,

·         სემინარები სილაბუსების ინტეგრირებისა და მასალების სწავლების შესახებ

·         გამოცდების ჩატარების საუკეთესო პრაქტიკის დანერგვის შესახებ.

აქვე გაცნობებთ რომ, პროგრამაში ჩართვისათვის საჭიროა განცხადებით მიმართოთ მსოფლიო ბანკის ჯგუფს (ელ-ფოსტაზე) პროგრამაში ჩართვის სურვილის დადასტურებით. უნდა მიუთითოთ სასწავლო მასალისა და კითხვების ასლების რაოდენობა, რომელიც საჭიროა სასწავლო პროცესის მხარდასაჭერად.

მიუთითოთ რამდენიმე საკონტაქტო პირი, რომლებიც პროგრამაში ჩაერთვებიან უნივერსიტეტის სახელით.  განაცხადის წარდგენის ბოლო ვადაა 14 მაისი 2021წ

აქვე მოგახსენებთ, რომ აღნიშნულ პროექტში ჩართვა მნიშვნელოვნად გააუმჯობესებს ჩვენი ფაკულტეტის საგანმანათლებლო პროგრამების კონკურენტუნარიანობას.