2021 წლის 23 მარტს საქართველოს ტექნიკური უნივერსიტეტის ბიბლიოთეკაში, უნივერსიტეტის ადგილობრივი თვითმმართველობის ლაბორატორიის თანამონაწილეობით, გაიმართა „მეცნიერება მდგრადი განვითარებისა და უსაფრთხოებისთვის“   ფარგლებში შექმნილი სამეცნიერო სტატიების კონკურსის გამარჯვებულთა დაჯილდოება.

სხდომა გახსნა და შესავალი სიტყვა წარმოთქვა უსაფრთხოების სფეროს მკვლევართა ასოციაციის თავმჯდომარემ პროფესორმა ბესიკ ობოლაძემ.

საქართველოს ტექნიკური უნივერსიტეტის ადგილობრივი თვითმმართველობის ლაბორატორიის ხელმძღვანელმა, ასოციაციის სამეცნიერო საბჭოს თავმჯდომარემ პროფესორმა შოთა დოღონაძემ ასოციაციის ყოველწლიური სპეციალური პრიზი „ სამეცნიერო საქმიანობაში განსაკუთრებული დამსახურებისთვის“ გადასცა პროფესორ თამაზ მარსაგიშვილს.

გამოცხადდა 2020 წლის კონკურსის შედეგები, 2015-2020 წლებში უსაფრთხოების თემატიკაზე შექმნილი ნაშრომებისთვის 10 მეცნიერი დაჯილდოვდა სპეციალური პრიზითა და სიგელებით. (ჯილდოების გადაცემა გაიმართება მოგვიანებით სპეციალურ ღონისძიებაზე, სადაც გამარჯვებულებს შესაძლებლობა ექნებათ წარმადგინონ თავიანთი ნაშრომები ფართო აუდიტორიის წინაშე).

გამარჯვებულებს მიესალმნენ საჯარო მმართველობისა და ელექტრონული ბიზნესის დეპარტამენტის ხელმძღვანელი, პროფესორი გენადი იაშვილი, საჯარო მმართველობის პრობლემათა კვლევების ინსტიტუტის ხელმძღვანელი, პროფესორი მარიამ ცაცანაშვილი, ასოციაციის საექსპერტო საბჭოს თავმჯდომარე, მეცნიერებათა დოქტორი გოჩა ცოფურიშვილი.

შეხვედრას ესწრებოდა საქართველოს ტექნიკური უნივერსიტეტის სენატის თავმჯდომარე პროფესორი ჯემალ გახოკიძე.

იქვე, ასოციაციის თავმჯდომარემ ბესიკ ობოლაძემ და საჯარო მმართველობის პრობლემათა კვლევების ინსტიტუტის ხელმძღვანელმა მარიამ ცაცანაშვილმა ხელი მოაწერეს ურთიერთთანამშრომლობის მემორანდუმს.