English |
Русский |
დეპარტამენტები
ძებნა |
საიტის რუკა |
კონტაქტი
საინფორმაციო შეხვედრა თბილისის 147-ე საჯარო სკოლაში
2019 წლის 17 დეკემბერს საქართველოს ტექნიკური უნივერსიტეტის ბიზნესტექნოლოგიების ფაკულტეტის დეკანმა, პროფესორმა რუსუდან ქუთათელაძემ, ფაკულტეტის ხარისხის უზრუნველყოფის სამსახურის ხელმძღვანელმა, პროფესორმა ნინო ჩიკვილაძემ, პროფესორებმა - თინათინ იაშვილმა, რატი ბურდიაშვილმა, საგანმანათლებლო პროგრამების კურატორმა, ასოცირებულმა პროფესორმა გიორგი სულაშვილმა ქ. თბილისის 147-ე საჯარო სკოლაში ჩაატარეს საინფორმაციო შეხვედრა მე-12 კლასელებისთვის.
აბიტურიენტებს გააცნეს საქართველოს ტექნიკური უნივერსიტეტი ტრადიციული სტრუქტურული ერთეულებით (ფაკულტეტი, დარგობრივი დეპარტამენტი, სხვადასხვა ტიპის სასწავლო-კვლევითი ინსტიტუტი და სხვ.). განსაკუთრებული ყურადღება გაამახვილეს ბიზნესტექნოლოგიების ფაკულტეტზე. ისაუბრეს ფაკულტეტზე არსებული საბაკალავრო საგანმანათლებლო პროგრამების მიმზიდველობასა და მის საერთაშორისო თანამშრომლობაზე საერთო ევროპულ საგანმანათლებლო სივრცეში და საერთოდ, რა უპირატესობა აქვს საქართველოს ტექნიკურ უნივერსიტეტს როგორც მეცნიერების, განათლების, კულტურის უდიდესი ტრადიციების კერას.
ასეთ შეხვედრებს ფაკულტეტის წარმომადგენლობა რეგულარულად ატარებს საქართველოს დედაქალაქსა და მის რეგიონებში.