English |
Русский |
დეპარტამენტები
ძებნა |
საიტის რუკა |
კონტაქტი
საქართველოს ოფიციალური სტატისტიკის ეროვნული სისტემის განვითარების სტრატეგიის (2020-2023) პრეზენტაცია
2019 წლის 5 დეკემბერს საქართველოს სტატისტიკის ეროვნულმა სამსახურმა, საქსტატმა, წარადგინა ოფიციალური სტატისტიკის ეროვნული სისტემის განვითარების პირველი სტრატეგია, რომელიც 2020-2023 წლებს მოიცავს. საქართველოს ეროვნული პოლიტიკის ეს მნიშვნელოვანი დოკუმენტი სამთავრობო უწყებებთან კოორდინირებით და საერთაშორისო სტატისტიკური ორგანიზაციების რეკომენდაციებსა და გამოცდილებაზე დაყრდნობით შეიქმნა. სტრატეგიის შემუშავება განვითარების პროგრამისა (UNDP) და შვედეთის მთავრობის ხელშეწყობით განხორციელდა.
სტრატეგიის საჯარო წარდგენას საქართველოს მთავრობის, საერთაშორისო და არასამთავრობო ორგანიზაციების, ბიზნესისა და მედიის წარმომადგენლებთან ერთად დაესწრო საქართველოს ტექნიკური უნივერსიტეტის ბიზნესტექნოლოგიების ფაკულტეტის პროფესორი მარინა მეტრეველი და ასოცირებული პროფესორი რუსუდან ქინქლაძე.
სტრატეგიის დოკუმენტი ხელმისაწვდომია საქსტატისა და UNDP-ის ვებგვერდებზე.