ბრიტანეთის საბჭოს მიერ გამოცხადებულ პროგრამის „შემოქმედებითი ნაპერწკალი: სამეწარმეო განათლების პროგრამა უმაღლესი სასწავლებლებისთვის“ მე-2 წლის პროექტის ძირითადი გეგმის იმპლემენტაციის ფარგლებში, კილის უნივერსიტეტთან (დიდი ბრიტანეთი) თანამშრომლობით, სტუ-ს ინოვაციების ცენტრის ორგანიზებით, მიმდინარე წლის 25 დეკემბერს, ოთხშაბათს, საქართველოს ტექნიკურ უნივერსიტეტში „სტუ-ს მეწარმეობის დღე“ მეორედ ჩატარდება.

ნებისმიერი სტუდენტს, კურსდამთავრებულს, აკადემიური და ადმინისტრაციული წრის წარმომადგენლებს, რომლებიც დაინტერესებული ბრძანდებით ღონისძიების თემატიკით, გაქვთ ინოვაციური სამეწარმეო იდეა, გინდათ მეტი გაიგოთ ინსპირირებული სამეწარმეო ცოდნის, ინოვაციების და ზოგადად ამ მიმართულებით საერთაშორისო გამოცდილების შესახებ, გაქვთ შესაძლებლობა დაესწროთ „სტუ-ს მეწარმეობის დღეს" და იყოთ მისი მონაწილე.

ღონისძიება ჩატარდება სტუ-ს ბიზნესტექნოლოგიების ფაკულტეტის სასწავლო კამპუსში, ერთი დღის განმავლობაში და ის ითვალისწინებს, სამოტივაციო და სასესიო გამოსვლებს, ჯგუფურ სამუშაოებს და პრეზენტაციებს. ღონისძიებებს გაუძღვებიან გამოცდილი ტრენერები და მოდერატორები. დღის ბოლოს მონაწილეებს გადაეცემათ შესაბამისი სერთიფიკატები. ასევე ღონისძიებაზე გაიგებთ მეტს პროგრამის „შემოქმედებითი ნაპერწკალის“ სამომავლო გეგმების შესახებ.

პროექტი ხორციელდება სტუ-ს საერთაშორისო ურთიერთობებისა და სტანდარტების სამსახურის მიერ და  ის კოორდინაციაშია სტუ-ს კომერციალიზაციის დეპარტამენტთან. პროექტის მთავარი პარტნიორები არია სტუ-ს ბიზნესტექნოლოგიების ფაკულტეტი, სოციალურ საკითხთა, სპორტისა და კულტურის დეპარტამენტი და სტუ-ს სტუდენტური თვითმმართველობა. პროექტს ორგანიზებას უკეთებს სტუ-ს ინოვაციების ცენტრი.   

ღონისძიებასთან დაკავშირებით დამატებითი ინფორმაციისათვის მიმართეთ „სტუ-ს ინოვაციების ცენტრს“ (საერთაშორისო ურთიერთობათა და სტანდარტების სამსახური. სტუ-ს ადმინისტრაციული კორპუსი, II სართული, ოთახი N221; ოთახი N223) ან სტუდენტურ თვითმმართველობას.

კითხვების ან საკონსულტაციო შეხვედრების სურვილის შემთხვევაში მოგვწერეთ: innovations@gtu.ge ან დაგვირეკეთ ტელ.: 2 36 51 29

ბიზნესტექბოლოგიების ფაკულტეტის სტუდენტებს შეგიძლიათ მობრძანდეთ ფაკულტეტზე, 711ა ოთახში.