საქართველოს ტექნიკური უნივერსიტეტის ბიზნესტექნოლოგიების ფაკულტეტის
ბიზნესის ადმინისტრირების დეპარტამენტის პროფესორის
ნინო ქავთარაძის საერთაშორისო კონფერენციაზე მივლინების

ა ნ გ ა რ ი შ ი

მოგახსენებთ, რომ 2019 წლის 22-24 ნოემბერს, საფრანგეთში, პარიზში, სორბონას უნივერსიტეტში გაიმართა სოციალური მეცნიერებების მოწინავე კვლევის მე–2 საერთაშორისო სამეცნიერო კონფერენცია. კონფერენციას ესწრებოდნენ სხვადასხვა ქვეყნის უნივერსიტეტების პროფესორ-მასწავლებლები (აშშ, პორტუგალია, მექსიკა, კოლუმბია, ინდონეზია და სხვა) კონფერენციას უძღვებოდა პროფესორი ვილფერტ–პორტალ ბლაიზე.
საქართველოს ტექნიკური უნივერსიტეტის სახელით, კონფერენციაზე, როგორც მომხსენებელმა წარვადგინე პრეზენტაცია თემით: ,,უმაღლესი განათლების დაფინანსების სისტემა საქართველოში– პრობლემები და გამოწვევები“ – Higher Education Financing System in Georgia - Problems and Future Challenges.
აღნიშნული კონფერენცია შეეხო დღეისათვის აქტუალურ ისეთ საკითხებს, როგორიცაა: გლობალიზაცია– რეალობა თუ ილუზია, კულტურული მემკვიდრეობის ეკონომია, სოციალ–ეკონომიკური თანასწორობა და კეთილდღეობა მექსიკის ჩრდილოეთ საზღვარზე, განათლების ხარისხის გეოგრაფია ინდონეზიაში და სხვა.
აღნიშნულმა მოხსენებამ დაიმსახურა დიდი მოწონება, ყველა მომხსენებელს გადაეცა სერტიფიკატი, სტატიები კი გამოქვეყნდა საერთაშორისო სამეცნიერო ჟურნალში.
კონფერენციის პროგრამის შესაბამისად განხორციელდა სექციური მუშაობა, აგრეთვე ადგილობრივი ღირშესანიშნაობების დათვალიერება, რამაც კონფერენციის მონაწილეებს მოგვცა შესაძლებლობა გავცნობოდით საფრანგეთის კულტურას და ტრადიციებს. საინტერესო შემოთავაზებები იქნა მიღებული სხვადასხვა უნივერსიტეტის წარმომადგენლებისგან საქართველოს ტექნიკურ უნივერსიტეტთან შემდგომი თანამშრომლობის თაობაზე. კონფერენციის ორგანიზატორებმა გამოთქვეს სურვილი სამომავლოდ კონფერენციის საქართველოში გამართვის თაობაზე.

ნ. ქავთარაძე