თემატური შეხვედრა

საქართველოს სახელმწიფოსა და მართლმადიდებელ ავტოკეფალურ ეკლესიას შორის გაფორმებულ კონსტიტუციურ შეთანხმებასთან დაკავშირებით

2019 წლის 5 ნოემბერს საჯარო მმართველობის პრობლემათა კვლევების ინსტიტუტის ორგანიზებით გაიმართა თემატური შეხვედრა  საქართველოს კონსტიტუციური შეთანხმების საკითხებზე.

 საქართველოს სახელმწიფოსა და საქართველოს ავტოკეფალურ, მართლმადიდებელ ეკლესიას შორის 2002 წელს გაფორმებული კონსტიტუციური შეთანხმება  სახელმწიფოსა და ეკლესიას, როგორც ურთიერთგამიჯნულ სუბიექტებს შორის კორპორაციული ურთიერთობების  რეგულირების გამო შექმნილი დოკუმენტია.

 ამ აქტის იმპლიმენტაციის პროცესში ეკლესიასა და სახელმწიფოს შორის ურთიერთობების პრობლემეზე, რწმენისა და აღმსარებლობის თავისუფლების უზრუნველყოფის მექანიზმებსა და სხვა საკითხებზე ისაუბრეს დეკანოზმა ბიძინა გუნიამ და საჯარო მმართველობის პრობლემათა კვლევების ინსტიტუტის დირექტორმა მარიამ ცაცანაშვილმა.

გაიმართა დისპუტი სტუდენტების მიერ წამოჭრილ საკითხებზე:

- რა სამართლებრივი და იდეოლოგიური საფუძვლები აქვს კონსტიტუციურ შეთანხმებას;

- როგორია განათლების სფეროში ეკლესიასა და სახელმწიფოს შორის თანამშრომლობის ფორმები (რელიგიის სწავლების პრობლემები);

-   რა პრობლემები შეიქმნა კონსტიტუციური შეთანხმების იმპლიმენტაციის პროცესში;

-   ეკლესიასა და სახელმწიფოს შორის, ორმხრივი ინტერესების მქონე საზოგადოებრივ საკითხებზე თანამშრომლობის განვითარების რა ტენდენციები არსებობს და როგორია რელიგიური თავისუფლების უზრუნველყოფის გარანტიები.