11/02/2019
სტუ-ს ბიზნესტექნოლოგიების ფაკულტეტის
პროფესორების რუსუდან ქუთათელაძის და ნინო ფაილოძის მივლინების ანგარიში
2019 წლის 19-23 ოქტომბერს არქიტექტურის, ურბანისტიკის და დიზაინის ფაკულტეტის ასოცირებულ პროფესორ ნინო ჩაჩავასთან ერთად, მიწვეულები ვიყავით პანონიის უნივერსიტეტში, უნგრეთის ქალაქ ვესპრემში. ჩვენი მასპინძელი იყო ბიზნესისა და ეკონომიკის ფაკულტეტის დეკანი, პროფესორი ბიეტა ფეჰერვოლგვი და უნივერსიტეტის პროფესორი ვიქტორია ცუპონი.
ვიზიტის დროს დაგეგმილი ლექციის: "უნივერსიტეტის როლი საერთაშორისო პროექტებში და ECOMODE პროექტის მნიშვნელობა ტურიზმისა და საგანმანათლებლო სექტორს შორის თანამშრომლობის განვითარებაში" ფარგლებში პანონიის უნივერსიტეტის პროფესორ მასწავლებლებს და სტუდენტებს გავაცანით საქართველოს ტექნიკური უნივერსიტეტი და მისი როლი საერთაშორისო პროექტებში. ვისაუბრეთ ბიზნესტექნოლოგიების ფაკულტეტის მიზნებსა და ამოცანებზე, ფაკულტეტის საქმიანობის ძირითად მიმართულებებზე. გაფორმდა მემორანდუმი ჩვენს უნივერსიტეტებს შორის მიმდინარე და სამომავლო თანამშრომლობის შესახებ. საერთო ინტერესების გაფართოებისა და ხელშეწყობის მიზნით დაიგეგმა ერთბლივი კვლევითი პროექტები და სამუშაოები; ასევე დაიგეგმა აკადემიური პერსონალისა და მაგისტრატურის საფეხურის სტუდენტების გაცვლა საგანმანათლებლო და კვლევითი აქტივობების კუთხით; ჩვენი უნივერსიტეტების ურთიერთობების გაღრმავებისა და საერთო-კვლევითი ინტერესებისათვის ორივე მხარე შევთანხმდით უზრუნველვყოთ საზაფხულო სკოლების მოწყობა, ერთბლივი სამეცნიერო პუბლიკაციების მომზადება, თანამშრომლობა ისეთ აკადემიურ და სამეცნიერო სფეროებში, როგორებიცაა სასერტიფიკატო კურსები, კონფერენციები, სიმპოზიუმები.
23 ოქტომბერი - უნგრეთის ეროვნული დღესასწაულის დღე მთელი რიგი ღონისძიებებით აღინიშნა.
