10/31/2019
ცხადდება სამეცნიერო სტატიების კონკურსი
ახალგაზრდა მეცნიერთა შრომების კრებულის საზღვარგარეთ გამოსაცემად:
თემა: „ბიზნესის გლობალურ-ინოვაციური პრობლემები“
მონაწილეობის მიღება შეუძლიათ მაგისტრატურისა და დოქტორანტურის საგანმანათლებლო პროგრამების სტუდენტებს - მეცნიერ-ხელმძღვანელებთან ერთად.
დაიბეჭდება მხოლოდ გამომცემლის მიერ შერჩეული ნაშრომები!
სარედაქციო საბჭოს შემადგენლობა საქართველოს მხრიდან:
თავმჯდომარე: რუსუდან ქუთათელაძე - ბიზნესტექნოლოგიების ფაკულტეტის დეკანი, პროფესორი
წევრები: მედეა ჭელიძე - ბიზნესტექნოლოგიების ფაკულტეტის ასოც. პროფესორი
ნატალია ჭანტურია - ბიზნესტექნოლოგიების ფაკულტეტის ასოც. პროფესორი
თამარ ბერიძე - ბიზნესტექნოლოგიების ფაკულტეტის პროფესორი
კონკურსში მონაწილეობის ძირითადი მოთხოვნები:
• სტატია წარმოდგენილი უნდა იყოს ინგლისურად - არა უმეტეს 5 გვერდისა
• ფურცლის ფორმატი - A4, შრიფტი - “ Times New Roman”, ზომა - 11, სტრიქონებს შორის მანძილი - 1, ველების მანძილი (ყველა მხრიდან) - 2 სმ
• გვერდის მარცხენა კუთხეში მითითებული უნდა იყოს ავტორის (თანაავტორის) სახელი და გვარი, უნივერსიტეტი
• ბიბლიოგრაფია წარმოდგენილ უნდა იქნას ნაშრომის ბოლოს ანბანური თანმიმდევრობით
• ავტორებმა უნდა წარმოადგინონ ცნობა პლაგიატის შესახებ
• ერთი ავტორის მონაწილეობის ღირებულება - 50 GEL
• სტატიების მიღების ბოლო ვადა - 2019 წლის 20 დეკემბერი
სტატიის გაფორმების ინსტრუქცია
სამეცნიერო სტატიის სტრუქტურა მოიცავს შემდეგ სავალდებულო ელემენტებს:
• სტატიის სათაური
• ინფორმაცია ავტორის/ავტორების შესახებ - ნაჩვენები უნდა იყოს სამეცნიერო ხარისხი, სამუშაო/სწავლის ადგილი, საკონტაქტო მონაცემები
• რეზიუმე/ანოტაცია - ასახავს ჩატარებული კვლევის ძირითად, მნიშვნელოვან ეტაპებს, ობიექტებს, მათ ნიშნებსა თუ მახასიათებლებს, დასკვნებს. რეკომენდებული მოცულობაა 300-500 სიტყვა
• საძიებო სიტყვები - ასახავს ტექსტის შინაარსს, კვლევის ობიექტს. საძიებო სიტყვების რეკომენდებული რაოდენობაა 3-5
• ძირითადი ტექსტი - გამოკვეთს შემდეგ შემადგენელ ნაწილებს:
შესავალი (Introduction) – მოიცავს კვლევის საგანს, ამოცანებს, ეტაპებს
მასალები და მეთოდები (Materials and Methods) – ყურადღება მახვილდება კვლევის მეთოდებსა და წყაროებზე
ძირითადი ნაწილი (Main Parts) – ასახავს კვლევის პროცესს და თანმიმდევრულ მსჯელობას, აღიწერება კვლევის სტადიები და ეტაპები
შედეგები (Results) – წარმოდგინდება ცხრილების, გრაფიკებისა და სტატისტიკური მაჩვენებლების სახით
დასკვნა (Conclusions) - შედეგების ინტერპრეტირება შესაძლებელია საკუთარი გამოცდილების, საბაზო ცოდნისა და სამეცნიერო პოტენციალის შეჯერების საფუძველზე
• გამოყენებული ლიტერატურის ჩამონათვალი
საკონტაქტო ინფორმაცია:
მისამართი – 0160, საქართველო, თბილისი, კოსტავას 77, VI კორპუსი, ოთახი 707ა
WEB –
http://gtu.ge/bef/
E-mail:
m.chelidze@gtu.ge; n. tchanturia@gtu.ge; t.beridze@gtu.ge