English |
Русский |
დეპარტამენტები
ძებნა |
საიტის რუკა |
კონტაქტი
საჯარო ლექციების ციკლი - პროფესორ ვილჰელმ ჰაუზერის ლექცია
„ზაარლანდის ტექნიკისა და ეკონომიკის უნივერსიტეტის“ პროფესორმა ვილჰელმ ჰაუზერმა, 2019 წლის 25 ოქტომბერს საქართველოს ტექნიკური უნივერსიტეტის ბიზნესტექნოლოგიების ფაკულტეტის სტუდენტებთან წაიკითხა ლექცია თემაზე – "სახმელეთო გადაზიდვების მომავალი გერმანიაში“.
პროფ. ჰაუზერმა მიმოიხილა სხვადასხვა ალტერნატიული სატრანსპორტო საშუალებების (განსაკუთრენით სარკინიგზო ტრანსპორტის) გამოყენების შესაძლებლობები, რათა მაქსიმალურად განიტვირთოს გერმანიის სახმელეთო გადაზიდვების ბაზარი.
პროფ. ჰაუზერმა სტუდენტებთან ასევე აღნიშნა, რომ ლოგისტიკური სერვისის განმახორციელებელმა საწარმოებმა თავად უნდა უზრუნველყონ საკუთარი სერვისის გაუმჯობესება.
მან აგრეთვე სტუდენტებს გააცნო გერმანიის ავტობანების დატვირთვა და არსებული გადასახადები ტვირთების გადაზიდვის კუთხით.
ლექციის ბოლოს, პროფ. ჰაუზერმა სტუდენტებთან განიხილა პრაქტიკული მაგალითი, თუ როგორ შეიძლება განხორციელდეს ოპტიმალურად გადაზიდვა ლოგისტიკაში ევროპის ერთი ქალაქიდან მეორეში, კომბინირებული ტრანსპორტის გამოყენებით.
ლექციას ესწრებოდნენ სტუ-ის „ბიზნესტექნოლოგიების ფაკულტეტის“ ბაკალავრიატის საფეხურის სტუდენტები და პროფესორ–მასწავლებლები. ლექცია მიმდინარეობდა გერმანულ ენაზე, სინქრონულ თარგმანს უზრუნველყოფდა ასისტენტ-პროფესორი ბესარიონ შერაზადაშვილი ლექციამ დაიმსახურა სტუდენტების დიდი მოწონება. ლექციის ბოლოს პროფ. ჰაუზერმა უპასუხა სტუდენტების შეკითხვებს და გაიმართა დისკუსია.