საჯარო ლექციების ციკლი - დოქტორ შტეფან ლანგის ლექცია

მიუნხენის უნივერსიტეტის პროფესორმა, დოქტორმა შტეფან ლანგმა 2019 წლის 25 ოქტომბერს საქართველოს ტექნიკური უნივერსიტეტის ბიზნესტექნოლოგიების ფაკულტეტზე (აუდიტორია 710ა) წაიკითხა ლექცია თემაზე – „ბიზნესის რეგულირების აქტუალური საკითხები ევროპაში“.
პროფ. დოქტორმა ლანგმა აღნიშნა, რომ ბიზნესის რეგულირების საკითხი ერთ–ერთი აქტუალურია გერმანიაში და მთლიანად ევროპაში. უამრავი ახალგაზრდა ბიზნესმენი აღმოჩნდა რეგულაციებთან დაკავშირებული სირთულეების წინაშე. პროფ. დოქტორმა ლანგმა გაანალიზა როგორც ამ პრობლემის გამომწვევი ძირითადი მიზეზები, ასევე ბიზნესის უკეთ რეგულრიების ძირითადი შესაძლებლობები ევროპაში.
ლექციას ესწრებოდნენ სტუ–ს „ბიზნესტექნოლოგიების ფაკულტეტის“ ბაკალავრიატის საფეხურის სტუდენტები და პროფესორ–მასწავლებლები. სტუდენტების მხრიდან დაისვა არაერთი შეკითხვა, რომლებიც შეეხებოდა გერმანიის და საქართველოს ურთიერთობასთან დაკავშირებულ საკითხებს. აგრეთვე, პროფ. დოქტორმა ლანგმა სტუდენტებს გაუზიარა ბიზნეს–საქმიანობასთან დაკავშირებული საკუთარი გამოცდილება.
ლექციის ბოლოს პროფ. დოქტორმა ლანგმა სტუდენტებთან განიხილა ასევე ევროკავშირში არსებული აქტუალური საკითხები, როგორიცაა „ბრექსიტი“ და მასთან დაკავშირებული სირთულეები, ასევე უპასუხა აქტუალურ შეკითხვებს, რომლებიც შეეხებოდა ბიზნესის რეგულირების აქტუალურ საკითხებ ევროპაში.
ლექცია მიმდინარეობდა გერმანულ ენაზე, სინქრონულ თარგმანს უზრუნველყოფდა ასისტენტ-პროფესორი ბესარიონ შერაზადაშვილი. ლექციამ დაიმსახურა სტუდენტების დიდი მოწონება. ლექციის ბოლოს გაიმართა დისკუსია სტუდენტებთან.