9 ოქტომბერს ჩატარდა ბიზნესტექნოლოგიების ფაკულტეტის საბჭოს სხდომა. ფაკულტეტის საბჭოს წევრებმა მხარი დაუჭირეს ბიზნესტექნოლოგიების, სამართლის და საერთაშორისო ურთიერთობების და საინჟინრო ეკონომიკის და მედიატექნოლოგიების ფაკულტეტების „დოქტორანტთა და მაგისტრანტთა ინტერდისციპლინური საერთაშორისო სასწავლო-კვლევითი კლასტერის - სასწავლო-სამეცნიერო კვლევითი ერთეულის“ შექმნას.

ერთხმად იქნენ არჩეულნი „ბიზნესის ადმინისტრირების“ და „საბანკო პროცესების მართვის“ სამაგისტრო პროგრამების თანახელმძღვანელები: „ბიზნესის ადმინისტრირების“ სამაგისტრო პროგრამის თანახელმძღვანელად - ასოც. პროფ. ხათუნა ხარხელაური, ხოლო „საბანკო პროცესების მართვის“ სამაგისტრო პროგრამის თანახელმძღვანელად - პროფ. რატი ბურდიაშვილი.

საქართველოს ბანკის წარმომადგენლები შეხვდნენ ფაკულტეტის საბჭოს წევრებს. ბანკის თანამშრომლებმა გააცნეს სერვისები, რომლებსაც თავაზობს ბანკი საქართველოს ტექნიკური უნივერსიტეტის თანამშრომლებს.