25 სექტემბერს ჩატარდა ბიზნესტექნოლოგიების ფაკულტეტის საბჭოს სხდომა.. სხდომა გაიხსნა მილოცვით. ფაკულტეტის დეკანმა რუსუდან ქუთათელაძემ საფინანსო და საბანკო ტექნოლოგიების დეპარტამენტის უფროსს, პროფესორ ბატონ ანტონ ინგოროყვას მიულოცა და გადასცა სტუ-ს აკადემიური საბჭოს გადაწყვეტილებით მიღებული საპატიო სიგელი ხანგრძლივი და ნაყოფიერი საგანმანათლოებლო საქმიანობისათვის.
ფაკულტეტის დეკანმა რუსუდან ქუთათელაძემ მადლობა გადაუხადა ფაკულტეტის ღვაწლმოსილ პროფესორს ბატონ კარლო ღურწკაიას, რომელსაც მიენიჭა ემერეტუსის წოდება .
საბჭოს სხდომაზე იმსჯელეს ახალი 2019-20 სასწავლო წლის დაწყებასთან დაკავშირებით სამომავლო საქმიანობის შესახებ, რომელიც ფაკულტეტს წარმატებებს მოუტანს. დეკანმა აკადემიურ პერსონალს მოუწოდა აქტიურობისკენ, ინიციატივების ინიცირებისკენ, პროცესებში მეტი ჩართულობისკენ. მან გასულ წელში წარმატებული საქმიანობისთვის პროფესორ-მასწავლებლებს გამოუცხადა სიტყვიერი მადლობა და მოუწოდა, კვლევით პროცესებში მონაწილეობის გაზრდის უზრუნველყოფის მიზნით, სტუდენტებთან აქტიური თანამშრომლობისკენ.