ბოლონიის თემატური პრიორიტეტების განსაზღვრა

ბოლონიის სამეთვალყურეო ჯგუფის (BFUG) ბუქარესტის 2019 წლის აპრილის შეხვედრაზე ორგანიზატორებმა წარმოადგინეს კონცეფცია - „ევროპის უმაღლესი განათლების სივრცის მომავალი: გვახსოვდეს წარსული, განვჭვრიტოთ მომავალი“, რომლის ძირითადი მიზანია ევროპის უმაღლესი განათლების სივრცის „მმართველობისა და თემატური პრიორიტეტების განსაზღვრა 2020 წლის შემდეგი პერიოდისათვის“. რა ძირითადი ცვლილებები/გაუმჯობესება იქნება აუცილებელი უმაღლეს განათლებაში, იმისთვის რომ 2030 წლისთვის უნივერსიტეტებს მიეცეთ შესაძლებლობა, ითამაშონ საკუთარი ფუნდამენტური როლი საზოგადოების ფორმირებაში; რა უნდა იყოს სამომავლო ძირითადი პრიორიტეტები? ეს ის ძირითადი თემებია, რომლებზეც გაკეთდება აქცენტი ევროპის უმაღლესი განათლების სივრცის რომის 2020 წლის მინისტერიალზე. ბუქარესტის შეხვედრაზე შემოთავაზებული პრიორიტეტები დაჯგუფდა შვიდ ზოგად თემად, რომლებიცაა: უმაღლესი განათლების სოციალური როლი; ჩართულობა უმაღლეს განათლებაში; ინოვაციური, მოქნილი და სათანადო სწავლა და სწავლება; მთელი ცხოვრების მანძილზე სწავლა; დიგიტალიზაცია; ინტერნაციონალიზაცია და მობილობა; მმართველობა და ავტონომია.
სტუ-ს ბიზნესტექნოლოგიების ფაკულტეტის აკადემიურმა, მოწვეულმა და ადმინისტრაციულმა პერსონალმა იმსჯელა, თუ რა ძირითადი ცვლილებები იქნება აუცილებელი უმაღლეს განათლებაში, იმისათვის, რომ 2030 წლისთვის უნივერსიტეტებს მიეცეთ შესაძლებლობა, შეასრულონ ფუნდამენტური როლი საზოგადოების ფორმირებაში. ვფიქრიბთ, ავტორიზაციისა და აკრედიტაციის სტანდარტების შესაბამისობის მიზნით, ჩვენი უნივერსიტეტისათვის პრიორიტეტულია: 1. უმაღლესი განათლების სოციალური როლი, ინოვაციური, 2. მოქნილი და სათანადო სწავლა და სწავლება, 3. მმართველობა და ავტონომია, რომლებზეც უნდა გაკეთდეს აქცენტი ევროპის უმაღლესი განათლების სივრცის რომის 2020 წლის მინისტერიალზე.