English |
Русский |
დეპარტამენტები
ძებნა |
საიტის რუკა |
კონტაქტი
ბიზნესტექნოლოგიების ფაკულტეტის პროფესორები და სტუდენტები
საერთაშორისო საზაფხულო სკოლა-სემინარზე ბულგარეთში
ბიზნესტექნოლოგიების ფაკულტეტის 4 სტუდენტი ( გოგა გელიტაშვილი, მარიამ ოგანესიანი, ჟანა ანტონიანი, მარიამ ზაალიშვილი) და პროფესორ-მასწავლებლები (ელისაბედ მალანია, თამარ ბერიძე, ნატალია ჭანტურია, ბელა გოდერძიშვილი, ხათუნა ხარხელაური, ლია ბერიკაშვილი) 2019 წლის 26-30 აგვისტოს იმყოფებოდნენ ბულგარეთში, ქ. ვარნის თავისუფალი უნივერსიტეტის „ჩერნორიზეც ხრაბერი“ („Chernorizets Hrabar" - VFU) „საერთაშორისო ეკონომიკისა და ადმინისტრირების“ ფაკულტეტის მიერ ორგანიზებულ საერთაშორისო საზაფხულო სკოლა-სემინარზე თემატიკით „ტურიზმი - როგორც საზოგადოებრივი განვითრების მდგრადი ფაქტორი“.
პროფესორ-მასწავლებლები შეხვდნენ უნივერსიტეტის ადმინისტრაციას, ფაკულტეტის დეკანს, დოქტორანტურის მიმართულების ხელმძღვანელს, რუსული კულტურის ცენტრის დირექტორს, პროფესორ-მასწავლებლებს. ლექცია-სემინარები ჩაატარეს ვარნის თავისუფალი უნივერსიტეტის პროფესორ-მასწავლებლებმა: პ.პავლოვმა (პრორექტორი), ს. ავჩაროვამ, მ. ველიკოვამ, გ. ჟელიაზკოვამ და ვ. ნიკოლაევამ. სტუდენტებს და პროფესორებს გადაეცათ მასალები შემდგომი სამუშაოებისთვის .
ტრენინგების თემატიკა საკმაოდ მრავალფეროვანი იყო: ცვლილებების მენეჯმენტი; ტურიზმის მდგრადი მართვა; სტრატეგიული მენეჯმენტი ტურიზმში; ტურიზმის სივრცითი განვითარება; ინტეგრაციული და ევროპული ფონდები; ორგანიზაციული ქცევა ტურიზმში. (ლექციების პროგრამა და სალექციო მასალები ანგარიშს თან ახლავს). ტრენინგები მიმდინარეობდა ინტერაქტიულ რეჟიმში. თითოეულმა მონაწილეობა მიიღო ანკეტურ გამოკითხავაში. ტრენინგების დასრულების შემდეგ ყველა მონაწილეს გადაეცა ორენოვანი სერტიფიკატი.
აღნიშნულ უნივერსიტეტთან საქართველოს ტექნიკურმა უნივერსიტეტმა გააფორმა ურთიერთთანამშრომლობის მემორანდუმი.