07/19/2019
ნატოსა და ევროკავშირის შესახებ საინფორმაციო ცენტრის საზაფხულო სკოლა
29-30 ივლისს, ნატოსა და ევროკავშირის შესახებ საინფორმაციო ცენტრი იწვევს უმაღლესი სასწავლებლების ბაკალავრიატის და მაგისტრატურის სტუდენტებს საინფორმაციო ცენტრის საზაფხულო სკოლაში მონაწილეობის მისაღებად.
დაინტერესებულ სტუდენტებს, ვთხოვთ, გაიარონ რეგისტრაცია მითითებულ
ბმულზე,
არა უგვიანეს 25ივლისის 18:00 საათისა .
პროექტში მონაწილეობა უფასოა
საზაფხულო სკოლის მიზანი:
• სტუდენტების ინფორმირება საქართველოს ნატოსა და ევროკავშირში ინტეგრაციის მიმდინარე საკითხებზე;
• სტუდენტების ჩართულობის გაზრდა საქართველოს ევროპული და ევროატლანტიკური ინტეგრაციის პროცესში;
საზაფხულო სკოლის პროგრამა მოიცავს შემდეგ თემებს:
• საქართველოს ევროპული და ევროატლანტიკური ინტეგრაცია
• საზოგადოების ჩართულობის მნიშვნელობა საქართველოს ევროპული და ევროატლანტიკური ინტეგრაციის პროცესში;
• ანტიდასავლური პროპაგანდა და მასთან ბრძოლის მეთოდები;
NATO
• ჩრდილო-ატლანტიკური ალიანსი NATO, NATO-ს ისტორია
• NATO-საქართველოს ურთიერთობები, პერსპექტივები და გამოწვევები, NATO-ში გაწევრიანების ახალი შესაძლებლობები;
• საქართველოს მონაწილეობა საერთაშორისო სამშვიდობო მისიებში;
EU
• ევროკავშირის ისტორია
• საქართველო-ევროკავშირის ურთიერთობები, ასოცირების შეთანხმების განხორციელება
• სავიზო რეჟიმის ლიბერალიზაცია;
საზაფხულო სკოლის განმავლობაში, მსმენელები შეხვდებიან სახელმწიფო სტრუქტურების წარმომადგენლებსა და მოწვეულ ექსპერტებს. მონაწილეები მოისმენენ მოხსენებებს საქართველოს ევროპული და ევროატლანტიკური ინტეგრაციის საკითხებზე, ევროპული ღირებულებების, ქვეყნის სამომავლო პერსპექტივებისა და მისწრაფებების შესახებ.
სავალდებულო მოთხოვნები:
• დაინტერსებული კანდიდატი უნდა იყოს საერთაშორისო ურთიერთობების, სოციალური და პოლიტიკის მეცნიერებების, იურიდიული, ჰუმანიტარული და ეკონომიკის ფაკულტეტის ბაკალავრიატის ან მაგისტრატურის სტუდენტი.
• მათი მომავალი/ახლანდელი პროფესია, ინტერესები, მისწრაფებები შეესაბამებოდეს საზაფხულო სკოლის თემატიკას.
* ლექციები ჩატარდება ქართულ ენაზე
საზაფხულო სკოლის კურსის დასრულების შემდეგ, კურსდამთავრებულები მიიღებენ სერტიფიკატებს.
განაცხადების მიხედვით შეირჩევა
25 მონაწილე.
ლექციები ჩატარდება 29-30 ივლისს;
საზაფხულო სკოლის ჩატარების ადგილი: საინფორმაციო ცენტრი ნატოსა და ევროკავშირის შესახებ.
მისამართი: შ. დადიანის 2/1, თავისუფლების მოედანი, თბილისი
დამატებითი ინფორმაციისთვის, გთხოვთ, მოგვმართოთ:
infocenter@mfa.gov.ge