გამოვლინდა კულტურული გაცვლითი პროგრამის გამარჯვებულები

11 ივლისს, საქართველოს ტექნიკური უნივერსიტეტის ბიზნესტექნოლოგიების ფაკულტეტზე საერთაშორისო სტუდენტური კონფერენციის „ღვინო როგორც სოაციალურ-ეკონომიკური განვითარების რესურსი და ქვეყნის იდენტობა“ (22-23 ივნისი, 2019) მიერ გამოვლენილ საუკეთესო სტუდენტებთან გასაუბრება გაიმართა. გასაუბრების მიზანს სტუდენტების ინგლისური ენის კომპეტენციისა და მათი ევროპის ღვინის კერებში ერთკვირიანი სტაჟირებისთვის საკმაო მოტივაციის დადგენა წარმოადგენდა.
გასაუბრების თემა იყო საქართველოს მევენახეობა/მეღვინეობის თვითმყოფადობის წარმოჩენა და იტალიის, საფრანგეთისა და პორტუგალიის მევენახეობა/მეღვინეობის რეგიონების მიმოხილვა.
კომისიის მუშაობაში მონაწილეობას იღებდნენ ტექნიკური უნივერსიტეტისა და საქართველოს უნივერსიტეტის პროფესორები, კონსალტინგისა და ახალი პროფესიების ცენტრის ხელმძღვანელი და ღვინის ტურიზმის ასოციაციის თავმჯდომარე. განსაკუთრებული ყურადღება გამახვილებული იყო ინგლისური ენის ცოდნის დონეზე.
გასაუბრების საბოლოო შედეგებით კომისისამ 8 საკონკურსო ადგილიდან ერთი თავისუფალი დატოვა და მიიღო გადაწყვეტილება, რომ ევროპის ღვინის კერებში ITER VITIS -ის ერთკვირიანი სტაჟირებით დაჯილდოვდნენ:
1. ჭაბაშვილი სოფიო - სტუ-ის აგრარული მეცნიერებების და ბიოსისტემების ინჟინერინგის ფაკულტეტის მაგისტრანტი
2. საჩალელი ნინო - გრ. რობაქიძის უნივერსიტეტის ბიზნესისადა მართვისფაკულტეტის დოქტორანტი
3. ალაშვილი ანზორი - სტუ-ის აგრარული მეცნიერებების და ბიოსისტემების ინჟინერინგის ფაკულტეტის მაგისტრანტი
4. ბალავაძე ეროსი - სტუ-ის აგრარული მეცნიერებების და ბიოსისტემების ინჟინერინგის ფაკულტეტის მაგისტრანტი
5. ანტონიანი ჟანა - სტუ-ის ბიზნესტექნოლოგიების ფაკულტეტის სტუდენტი
6. აბრამიშვილი ზურა - თსუ-ს ეკონომიკისა და ბიზნესის ფაკულტეტის სტუდენტი
7. ზაალიშვილი მარიამი - სტუ-ის ბიზნესტექნოლოგიების ფაკულტეტის მაგისტრანტი

აღსანიშნავია, რომ ევროპული მხარე უზრუნველყოფს ღვინის კომპანიებში ვორკშოპებსა და დანიშნულების ადგილზე განთავსებას, ხოლო საორგანიზაციო კომიტეტი მგზავრობისთვის საჭირო ფინანსების მოძიებაზე აგრძელებს მუშაობას.