შოთა რუსთაველის ფონდის მხარდაჭერით 25-26 ივლისს კავკასიის უნივერსიტეტში ორგანიზებულ კონფერენციაზე, 26 ივლისს ჩანიშნულია სტუდენტების და ახალგაზრდა მკვლევარების სტატიების/სტატიების თეზისების მოსმენა ფინანსური აღრიცხვის საერთაშორისო სტანდარტების დანერგვის პრაქტიკის, საქართველოში აუდიტისა და აღრიცხვის რეფორმის გავლენის, ფინანსური ინფორმაციის გამოქვეყნების და მისი ინტერპრეტაციის და ბუღალტრული აღრიცხვის და ფინანსების სხვა აქტუალურ საკითხებში.

გთხოვთ, არაუგვიანეს ორშაბათის 22 ივლისის, მოგვაწოდოთ დაინტერესებული სტუდენტების სტატიები/სტატიების თეზისები. სტატია შეიძლება მომზადებულ იქნეს ქართულ ან ინგლისურ ენაზე. პრეზენტაცია სასურველია ინგლისურ ენაზე. პრეზენტაციის დრო 20 წუთი +10 წუთი კითხვა-პასუხისთვის.

კონფერენციას დარგის აღიარებულ საერთაშორისო ექსპერტებთან ერთად დაესწრებიან ბუღალტრული აღრიცხვის, ანგარიშგებისა და აუდიტის რეფორმების მხარდაჭერის ეროვნული ფონდის თავმჯდომარე ბატონი ჟაკ პოტდევინი, იაპონიის ელჩი მისი აღმატებულება ბატონი უეჰარა, საფრანგეთის და ესპანეთის წამყვანი უნივერსიტეტების წარმომადგენლები. წარმატებულ სტუდენტებს შეიძლება გაეწიოთ შემდგომი მხარდაჭერა. უზრუნველყოფილი იქნება სტატიების გამოქვეყნება. თავისუფალი ადგილების შეზღუდული რაოდენობის გამო უპირატესობა მიენიჭებათ იმ სტუდენტებს, ვინც პირველი წარმოადგენენ საინტერესო და აქტუალურ, ორიგინალურ კვლევებს.