English |
Русский |
დეპარტამენტები
ძებნა |
საიტის რუკა |
კონტაქტი
შეხვედრა ბიზნესტექნოლოგიების ფაკულტეტზე
საქართველოს ტექნიკური უნივერსიტეტი მონაწილეობს ევროკავშირის მიერ დაფინანსებული ERASMUS+ პროგრამის პროექტში “ECOMODE - ეკო-ინოვაციური ბიზნეს მოდელის განვითარების ხელშეწყობა სტუმარმასპინძლობაში მცირე და საშუალო საწარმოებისათვის” (Fostering Eco – Innovative Business Model Development in SMEs in Hospitality Industry).
პროექტის წარმომადგენლები, ბიზნესტექნოლოგიების ფაკულტეტის პროფესორი ნინო ფაილოძე და არქიტექტურის, ურბანისტიკის და დიზაინის ფაკულტეტის ასოცირებული პროფესორი ნინო ჩაჩავა შეხვდნენ ბიზნესტექნოლოგიების ფაკულტეტის იმ პროფესორ - მასწავლებლებს, რომლებიც ტურიზმის მიმართულებით არიან ჩართულები სასწავლო პროცესში.
მათ დამსწრე საზოგადოებას გააცნეს საერთაშორისო პროექტის “ECOMODE - ეკო-ინოვაციური ბიზნეს მოდელის განვითარების ხელშეწყობა სტუმარმასპინძ¬ლო¬ბა¬ში მცირე და საშუალო საწარმოებისათვის” შინაარსი - მიზნები, ამოცანები და ყველა ის აქტივობები, რომელიც სამუშაო პროცესში არის გათვალისწინებული.
დამსწრე საზოგადოების მიერ აღინიშნა დიდი დაინტერესება პროექტის მიმდინარეობაზე. გაიმართა აქტიური პოლემიკა პროექტის საკვლევ ობიექტებთან დაკავშირებით - იყო დასმული რიგი შეკითხვებისა, გამოთქმული სხვადასხვა მოსაზრება პროექტის საკვლევ საკითხებთან დაკავშირებით, იყო სხვადასხვა წინადადება პროექტში დასმულ ამოცანებს, გადასაწყვეტ პრობლემებსა და მისაღებ შედეგებთან დაკავშირებით.
აღნიშნული კომენტარები და შემოთავაზებები ყურადღებით იქნა მოსმენილი, გაზიარებული და ჩანიშნული პროექტის მონაწილეების მიერ.
დამსწრე საზოგადოებამ გამოთქვა სურვილი პერიოდული მოსმენებისა პროექტის მსვლელობის შესახებ და უფრო აქტიური ჩართულობისა პროექტის პროდუქტის მომზადების პროცესში. პროექტის მონაწილეებმა გამოთქვეს მზადყოფნა თანამშრომლობისათვის და დაგეგმეს მომავალი შეხვედრები ცალკეულ ექსპერტებსა და გაერთანებულ აუდიტორიასთან.