06/26/2019

საქართველოს ტექნიკური უნივერსიტეტის ბიზნესტექნოლოგიების ფაკულტეტის დეკანს ქ.ნ. რუსუდან ქუთათელაძეს

ამავე უნივერსიტეტის ბიზნესტექნოლოგიების ფაკულტეტის ასისტენტი გიორგი მორჩილაძის

მ ო ხ ს ე ნ ე ბ ი თ ი  ბ ა რ ა თ ი

მოგახსენებთ, რომ მიმდინარე წლის 13-20 მაისს ესპანეთში, ქალაქ ბარსელონაში ჩატარდა
მე-7 მულტიდისციპლინარული ფორუმი სოციალურ და ჰუმანიტარულ მეცნიერებებში - MIFS 2019 (http://mforumbarcelona.net). კონფერენციის ორგანიზატორი იყო მსოფლიოში ცნობილი ორგანიზაცია ევროპის სამეცნიერო ინსტიტუტი, კონფერენციის მასალები გამოქვეყნდება საერთაშორისო სამეცნიერო ჟურნალებში, რომლებიც ინდექსირებულნი არიან ავტორიტეტულ მონაცემთა ბაზებში. აღნიშნულ კონფერენციაზე გიორგი მორჩილაძეს წარდგენილი ჰქონდა თემა „FACTORS AFFECTING ON MANAGEMENT OF IDEAS GENERATION IN ORGANIZATION” მოხსენებებმა ინტერესი გამოიწვია მსმენელთა შორის, დაისვა შეკითხვები, რომლებსაც ამომწურავი პასუხი გაეცა.

კონფერენციაზე მოხსენებები გაკეთდა 16 მაისს, მოხსენებები დაყოფილი იყო ოთხ სესიად, სადაც წარმოდგენილ იქნა არაერთი საინტერესო და მნიშნველოვანი კვლევა. 17 მაისს კონფერენციის ორგანიზატორებმა მოაწყვეს არაფორმალური გასვლა ბარსელონაში მომხსენებლებისთვის, რის შედეგადაც კიდევ უფრო გაღრმავდა ურთიერთობა და კავშირები მონაწილეთა შორის.

კონფერენცია სამეცნიერო-აკადემიური კუთხით საკმაოდ მნიშვნელოვანი და საინტერესო იყო. კონფერენციაში მონაწილეობდა სხვადასხვა ქვეყნის წამყვანი უნივერსიტეტების მეცნიერები და აკადემიური პერსონალი. კონფერენციის პერიოდში გამართულმა შეხვედრებმა საშუალება მოგვცა უცხოელ კოლეგებთან კავშირები დაგვემყარებინა და სამომავლო ურთიერთობისთვის გეგმებიც დაგვესახა.

მადლობას მოგახსენებთ თანადგომისა და სამეცნიერო მივლინების ხარჯების დაფინანსებისთვის.

პატივისცემით,

ბიზნესტექნოლოგიების ფაკულტეტის
ასისტენტი გიორგი მორჩილაძე

2019 წლის 3 ივნისი