English |
Русский |
დეპარტამენტები
ძებნა |
საიტის რუკა |
კონტაქტი
2019 წლის 8 ივნისს საქართველოს ტექნიკური უნივერსიტეტის ბიზნესტექნოლოგიების ფაკულტეტის საფინანსო და საბანკო ტექნოლოგიების დეპარტამენტში ჩატარდა შეხვედრა ბაკალავრიატისა და მაგისტრატურის დამამთავრებელი კურსების სტუდენტებთან, სადაც მათ გადაეცათ პრაქტიკის გავლის დამადასტურებელი სერტიფიკატები.
წლის დასაწყისში საქართველოს ტექნიკურ უნივერსიტეტსა და შპს „საბანკო სწავლების ცენტრს“ შორის გაფორებული ხელშკრულების საფუძველზე ბაკალავრიატის და მაგისტრატურის სტუდენტებმა წარმატებით გაიარეს და აითვისეს შესაბამისი პრაქტიკის კურსები: „საბანკო საცალო პროდუქტების პოზიციონირება და გაყიდვა“და „მსესხებლის შეფასება, სესხის გაცემის კრიტერიუმები და სასესხო პროდუქტების ადმინისტრირება“.
შეხვედრას ესწრებოდნენ ფაკულტეტის დეკანი პროფესორი რუსუდან ქუთათელაძე, ხარისხის უზრუნველყოფის სამსახურის ხელმძღვანელი ასოცირებული პროფესორი ნინო ჩიკვილაძე, დეპარტამენტის პროფესორები რატი ბურდიაშვილი, გიორგი ცაავა, ალეკო ქუთათელაძე და სხვები.
სტუდენტებს სერთიფიკატები გადასცა ფაკულტეტის დეკანმა, უსურვა მათ წარმატებები და აღნიშნა, რომ ეს ინოვაცია - პრაქტიკის გავლა სერთიფიცირებით ხელს შეუწყობს ჩვენი სტუდენტების დასაქმებას და შრომით ბაზარზე მათი კონკურენტუნარიანობის ამაღლებას.