YOCOCU „ ახალგაზრდები კულტურული მემკვიდრეობის კონსერვაციისა და დაცვისათვის“ საერთაშორისო ფორუმის ეგიდით 2019 წლის 20-24 მაისს
სტუ-ს ბიზნესტექნოლოგიების სტუდენტებმა ფაკულტეტის დაფინანსებითა და ხელშეწყობით მონაწილეობა მიიღეს საქართველოს უნივერსიტეტის, საქართველოს კულტურული მემკვიდრეობის დაცვის ეროვნული სააგენტოსა და იტალიის საელჩოს ერთობლივ ღონისძიებაში იტალიელი და ქართველი პროფესიონალების მონაწილეობით განხორციელებულ ტრენინგში. ტრენინგში მონაწილეობდნენ განსხვავებული დისციპლინების და უმაღლესი სკოლების სტუდენტები. სამუშაო ენა იყო ინგლისური.

ბიზნესტექნოლოგიების ფაკულტეტიდან ტრენინგის მუშაობაში მონაწილეობა მიიღეს საგანმანათლებლო პროგრამა „სასტუმრო მომსახურების“ სტუდენტებმა ანა გოცირიძემ და სანდრო თოთლაძემ. ტრენინგში მონაწილეობდა, აგრეთვე სტუ-ს საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის ექვსი სტუდენტი. ყველა მათგანმა დააკმაყოფილა კურსის გავლის აუცილებელი მოთხოვნის 80% და, შესაბამისად, მიიღო ტრენინგის სერტიფიკატი. გარდა სერტიფიკატისა, კურსის მონაწილე სტუდენტებმა მოიპოვეს 50%-იანი ფასდაკლება თბილისის 2020 წლის „იკოსის“ კონფერენციაზე მონაწილეობისთვის.

სტუ-ს სტუდენტებმა განსაკუთრებული მადლობა დაიმსახურეს YOCOCU 2020-ის თავმჯდომარის, საერთაშორისო არქეოლოგიური ცენტრის ხელმძღვანელის, დავით ბერიკაშვილის მხრიდან.
ვულოცავთ ტრენინგის მონაწილე თითოეულ სტუდენტს კურსის წარჩინებით გავლას და ვუსურვებთ შემდგომ წარმატებებს 2020 წელს თბილისში დაგეგმილ პანევროპულ ფორუმში, რომელიც ეძღვნება კულტურული მემკვიდრეობის დაცვა-პოპულარიზაციის საქმეს.