English |
Русский |
დეპარტამენტები
ძებნა |
საიტის რუკა |
კონტაქტი
დოქტორ გოტჰარდ შტაინერის ლექცია საქართველოს ტექნიკურ უნივერსიტეტში
2019 წლის 24 მაისს, საქართველოს ტექნიკური უნივერსიტეტის ბიზნესტექნოლოგიების ფაკულტეტზე გერმანელმა იურისტმა, დოქტორმა გოტჰარდ შტაინერმა სტუდენტებთან წაიკითხა ლექცია თემაზე – „ევროპული უძრავი ქონების განვითარების შესახებ“.
დოქტორმა შტაინერმა აღნიშნა, რომ საცხოვრებელთან დაკავშირებული საკითხები ამჟამად გერმანიაში უმაღლეს რანგშია აყვანილი და პრიორიტეტულია. საცხოვრებელი ფართები გერმანიაში საოფისე ფართებთან შედარებით ხელმისაწვდომია (ქ.მიუნხენის გარდა, რადგან აღნიშნული ქალაქი უძრავი ქონების გასაყიდი ფასების მიხედვით ევროპის ყველაზე ძვირ 3 ქალაქში შედის, ლონდონის და პარიზის შემდეგ). დოქტორმა შტაინერმა გერმანიის მაგალითზე გააანალიზა აქტუალური შეკითხვა – ვიქირაოთ თუ ვიცხოვროთ საკუთრებაში? მან აღნიშნა, რომ საკუთრებაში სახლის ფლობა ფუფუნების საგნად ითვლება და ამიტომ ბევრი ადამიანი იძულებულია იქირაოს საცხოვრებელი ბინა (განსაკუთრებით ახალგაზრდები). დოქტორმა შტაინერმა სტუდენტებს მიაწოდა აქტუალური და საინტერესო ინფორმაცია იმის შესახებ, რომ ქ.ფრანკფურტსა და ქ.ბერლინში ბინების საშუალო მაჩვენებელი მთელი გერმანიის საშუალო მაჩვენებელს 50%-ით აღემატება.
ლექციაზე დოქტ.შტაინერმა ისაუბრა გერმანიაში საბინაო ბაზარზე არსებული გამოწვევების შესახებ. მან აღნიშნა, რომ საფრანგეთი და გერმანია ევროპაში ყველაზე მსხვილი საბინაო ბაზრებია. ისინი გამორჩეულები არიან რაოდენობრივი თვალსაზრისით, თუმცა, ეს არ არის საკმარისი იმისათვის, რომ სრულად გადაიფაროს მოთხოვნა იმ პრესტიჟულ ადგილებში, სადაც მოთხოვნა განსაკუთრებით მაღალია.
ლექციას ესწრებოდნენ სტუ–ს „ბიზნესტექნოლოგიების ფაკულტეტის“ ბაკალავრიატის საფეხურის სტუდენტები და პროფესორ–მასწავლებლები. ლექციამ დაიმსახურა სტუდენტების დიდი მოწონება. ლექციის ბოლოს დოქტორმა შტაინერმა უპასუხა სტუდენტების შეკითხვებს და გაიმართა დისკუსია.