საქართველოს ტექნიკური უნივერსიტეტის სტუდენტთა 87-ე ღია საერთაშორისო სამეცნიერო კონფერენციაში მონაწილეობის მსურველთა რეგისტრაცია 2019 წლის 31 მაისის ჩათვლით გაგრძელდება.
კონფერენციაში მონაწილეობის მსურველმა სტუდენტებმა შესაბამისი ინსტრუქციის დაცვით გაფორმებული თეზისი (ამობეჭდილი და ელექტრონული - CD დისკზე ჩაწერილი ვერსიები) უნდა წარადგინოს სტუ-ის სპორტის, კულტურის, სტუდენტებთან და კურსდამთავრებულებთან ურთიერთობის დეპარტამენტში (სტუ-ის ადმინისტრაციული კორპუსი, II სართული, ოთახი 262 ბ).
სტუ-ის სტუდენტთა 87-ე ღია საერთაშორისო სამეცნიერო კონფერენციის გახსნის ღონისძიება გაიმართება 2018 წლის 28 მაისს, 16:00 საათზე, სტუ-ის ადმინისტრაციულ კორპუსში, III სართულზე, გ. ნიკოლაძის სახელობის დარბაზში.
სტუ-ის სტუდენტთა 87-ე ღია საერთაშორისო სამეცნიერო კონფერენციაში მონაწილეობას მიიღებენ საქართველოს ტექნიკური უნივერსიტეტისა და სხვა უმაღლესი საგანმანათლებლო დაწესებულებების ბაკალავრიატის, მაგისტრატურისა და დოქტორანტურის სტუდენტები.
სტუ-ის სტუდენტთა 87-ე ღია საერთაშორისო სამეცნიერო კონფერენციას ორგანიზებას უწევს სტუ-ის სპორტის, კულტურის, სტუდენტებთან და კურსდამთავრებულებთან ურთიერთობის დეპარტამენტი.
კონფერენციის მუშაობა 2019 წლის 22 ივნისის ჩათვლით გაგრძელდება.