English |
Русский |
დეპარტამენტები
ძებნა |
საიტის რუკა |
კონტაქტი
სტუ-ს ბიზნესტექნოლოგიების ფაკულტეტის
პროფესორების რუსუდან ქუთათელაძის და ნინო ფაილოძის მივლინების ანგარიში
2019 წლის 13-14 აპრილს ბიზნესტექნოლოგიების ფაკულტეტის პროფესორებმა რუსუდან ქუთათელაძემ და ნინო ფაილოძემ მონაწილეობა მიიღეს ჩინეთის ქალაქ ჰონგ-კონგში მეწარმეობის, ბიზნესის, ლიდერობის, მენეჯმენტის და ეკონომიკის მე-2 აკადემიურ სამიტზე (SEIRL-April-2019), სადაც წარდგენილი იყო მათი მოხსენება „მიდგომები შიდა კონტროლისა და აუდიტის არსის გამოვლენისადმი“. ასევე მონაწილეობა მიიღეს 31-ე საერთაშორისო კონფერენციაში „მენეჯმენტის, ბიზნესის, სოციალურ და ჰუმანიტარულ მეცნიერებათა კვლევებში“ - (MBSHR), სადაც გაკეთდა მოხსენება „შიდა კონტროლისა და აუდიტის ორგანიზაციული ფორმები“. კონფერენცია ორგანიზებული იყო სოციალურ და ჰუმანიტარულ მეცნიერებათა საერთაშორისო ასოციაციის - ANISSH-ის მიერ.
როგორც მე-2 აკადემიურ სამიტზე, ასევე კონფერენციაზე პროფესორებს გადაეცათ სერტიფიკატები, ხოლო მათ მიერ წარდგენილი ნაშრომები გამოქვეყნდება სამეცნიერო ჟურნალში International Journal of Business and Economic Affairs (IJBEA), რომელიც ჩართული იქნება SCOPUS–ის მონაცემთა ბაზაში.
კონფერენციამ საშუალება მისცა ფაკულტეტის პროფესორებს ურთიერთობა დაემყარებინათ მსოფლიოს სხვადასხვა კუთხის მეცნიერებთან და მკვლევარებთან, აემაღლებინათ კვალიფიკაცია.