,,ეკვილიბრიუმი"

საქართველოს ტექნიკური უნივერსიტეტი საგანმანათლებლო მოძრაობაში „ეკვილიბრიუმი“ ჩაერთო.
ეკვილიბრიუმი — საგანმანათლებლო მოძრაობა, რომელიც დაფუძნებულია 2012 წელს. იდეის ავტორი და ინიციატორია ეროვნული ბიბლიოთეკის გენერალური დირექტორი გიორგი კეკელიძე.
საგანმანათლებლო მოძრაობის მიზანია საქართველოში წიგნიერების დონის ამაღლება. ეკვილიბრიუმი გულისხმობს სადისკუსიო სივრცეების შექმნას, რეგიონალური, სასოფლო ბიბლიოთეკების წიგნადი ფონდით შევსებას, სოციალური საწარმოებების შექმნას, საგანმანათლებლო ღონისძებების გამართვას. ბოლო მონაცემებით ორგანიზაციამ, 400-მდე სოფელს გადასცა წიგნები და ქვეყნის გარეთ 15-მდე ბიბლიოთეკაში გახსნა ქართული წიგნის კუთხე.
სწორედ ამ პროექტში ჩაერთო საქართველოს ტექნიკური უნივერსიტეტი. ინიციატივის ავტორმა ტექნიკური უნივერსიტეტის ადამიანური რესურსების მართვის დეპარტამენტის უფროსმა ხათუნა ჩხიკვიშვილმა, ტექნიკური უნივერსიტეტის საზოგადოებასთან ურთიერთობის დეპარტამენტის მხარდაჭერით, 2 აპრილს საქართველოს ეროვნულ ბიბლიოთეკას, პროექტისთვის „ეკვილიბრიუმი“ რამდენიმე ათეული წიგნი გადასცა საჩუქრად.

მეტი ინფორმაციისათვის გახსენით ბმული: