2019 წლის 22-24 თებერვალს ბაქოში ჩატარდა „ეკონომიკის კვლევის და განვითარების ინსტიტუტის“ მიერ ორგანიზებული საერთაშორისო სამეცნიერო კონფერენცია „მეცნიერება პრაქტიკისა და განვითარებისთვის“. საქართველოდან ხუთი უნივერსიტეტის წარმომადგენელი იღებდა მონაწილეობას, მათ შორის იყვნენ საქართველოს ტექნიკური უნივერსიტეტის ბიზნესტექნოლოგიების ფაკულტეტის პროფესორები და დოქტორანტები. კონფერენციის სამეცნიერო-პრაქტიკული მუშაობის შედეგები და საორგანიზაციო უზრუნველყოფა მაღალ დონეზე შეფასდა. განსაკუთრებით აღინიშნა დოქტორანტების მიერ გაკეთებული მოხსენებების აქტუალობა და ჩატარებული კვლევის მაღალი დონე. ყველა მომხსენებელსა და თანაავტორს კონფერენციაში მონაწილეობის დამადასტურებელი შესაბამისი სერტიფიკატი გადაეცა. მოხსენებების თეზისები და სტატიები დაიბეჭდა საერთაშორისო რეცენზირებად და რეფერირებად სამეცნიერო ჟურნალში „ეკონომიკა და ფინანსები“.