2019 წლის 22-26 იანვარს ქ. ბრნოში (ჩეხეთი), მასარიკის უნივერსიტეტის ეკონომიკისა და ადმინისტრირების ფაკულტეტის მიერ ორგანიზებულ 23-ე საერთაშორისო კონფერენციაში ,,მიმდინარე ტენდენციები საჯარო სექტორის კვლევაში’’ მონაწილეობა მიიღო ბიზნესის ადმინისტრირების დეპარტამენტის ასისტენტმა ლევან კერესელიძემ. მან წარადგინა ნაშრომი ,,მუნიციპალიტეტის პროგრამული ბიუჯეტის დაგეგმვის აქტუალური საკითხები (თბილისის მუნიციპალიტეტის მაგალითზე)’’. სხვადასხვა ქვეყნის წარმომადგენლებმა ინტერესი გამოხატეს საქართველოს მიმართ. გაიმართა მსჯელობა საჯარო სექტორში საქართველოს გამოცდილების და არსებული მიმდინარე ტენდენციების შესახებ. კონფერენციის დასასრულს ყველა მონაწილეს გადაეცა შესაბამისი სერთიფიკატი. საკონფერენციო ნაშრომი დაიბეჭდება საერთაშორისო სამეცნიერო ჟურნალში.