31 იანვარს, 15:00 საათზე, ბიზნესის და სამართლის ინსტიტუტის ინიციატივით, ბიზნესტექნოლოგიების ფაკულტეტზე გაიმართება სტუდენტების და პროფესორ-მასწავლებლების შეხვედრა ახალგაზრდა ევროპელ ელჩებთან.

ახალგაზრდა ევროპელი ელჩები ისაუბრებენ ევროკავშირის მიერ მხარდაჭერილ ახალგაზრდულ შესაძლებლობებზე. ისინი ასევე წარადგენენ "ახალგაზრდა ევროპელი ელჩების" ინიციატივას და თუ როგორ შეიძლება დაინტერესებული ახალგაზრდა ჩაერთოს "ახალგაზრდა ევროპელი მეზობლების" ქსელსა და ახალგაზრდა ევროპელი ელჩების ინიციატივაში.

შეხვედრაზე, ახალგაზრდა ევროპელი ელჩები ასევე ისაუბრებენ ევროკავშირის მიერ მისი აღმოსავლეთ მეზობლების მხარდაჭერაზე, აღმოსავლეთ პარტნიორობის ინიციატივასა და მისი მეათე საიუბილეო წლისადმი ბრიუსელში დაგეგმილ ღონისძიებაზე, მათ ჩართულობაზე, როლსა და მნიშვნელობაზე.

ახალგაზრდა ევროპელი ელჩების ინიციატივა ევროკავშირის შესახებ საერთო იდეებისა და ინფორმაციის გაცვლის გაადვილებას ისახავს მიზნად. გაიცანით ახალგაზრდა ევროპელი ელჩები საქართველოდან: http://bit.ly/YEAs-Georgia

შეხვედრა გაიმართება საქართველოს ტექნიკური უნივერსიტეტის ბიზნესტექნოლოგიების ფაკულტეტზე. VI კორპუსი, VII სართული, 710ა აუდიტორია .

დასწრება თავისუფალია!