English |
Русский |
დეპარტამენტები
ძებნა |
საიტის რუკა |
კონტაქტი
საერთაშორისო სემინარ-ტრენინგი
2018 წლის 22-23 ნოემბერს საქართველოს ტექნიკურ უნივერსიტეტში ტარდება საერთაშორისო სემინარ-ტრენინგი „ციფრული ტექნოლოგიები და უმაღლესი განათლების ტრანსფორმაცია“.
სემინარ-ტრენინგი იმართება იუნესკოს ინსტიტუტის - ინფორმაციული ტექნოლოგიები საგანმანათლებლო სივრცეში The (UNESCO IITE) - საქართველოს ტექნიკური უნივერსიტეტის საჯარო მმართველობის პრობლემათა კვლევების ინსტიტუტთან (RIPA)პარტნიორობით.
დღევანდელ დღეს ღონისძიება გახსნა საქართველოს ტექნიკური უნივერსიტეტის რექტორის მოადგილემ მეცნიერების დარგში - ზურაბ გასიტაშვილმა, სტუმრებს მიესალმა იუნესკოს საქართველოს ეროვნული კომისიის წარმომადგენელი, სტუ-ის ექს რექტორი - გოჩა ჩოგოვაძე.
პლენარულ სხდომაზე მოდერატორია - ტატიანა მუროვანა - იუნესკოს განათლებაში საინფორმაციო ტექნოლოგიების ინსტიტუტი, ციფრული პედაგოგიკის სპეციალისტი (UNESCO Institute for Information Technologies in Education), გამომსვლელები - დოქტორი სანგ-ბეკ(კრის) კან - კორეის გლობალური თანამშრომლობის ინსტიტუტის (Local Information Research and Development Institute) დირექტორი, ალექსანდრე ფადეევი - ტომსკის პოლიტექნიკური უნივერსიტეტის ვიცე-რექტორი, ლევან იმნაიშვილი - სტუ-ის კომპიტერული ტექნოლოგიების აკადემოური დეპარტამენტის უფროსი.
დღესვე გაიმართება - მრგვალი მაგიდა „ციფრული ტრანსფორმაციის ტენდენციები უმაღლეს განათლებაში“ - მოდერატორი ალექსანდრე ფადეევი - ტომსკის პოლიტექნიკური უნივერსიტეტის ვიცე-რექტორი და სემინარი - „ციფრული უნარები, მედია და საინფორმაციო ლიტერატურა“ - ფასილიტატორი - ტატიანა მუროვანა - იუნესკოს განათლებაში საინფორმაციო ტექნოლოგიების ინსტიტუტი, ციფრული პედაგოგიკის სპეციალისტი.
სემინარ-ტრენინგი მუშაობას გააგრძელებს 23 ნოემბერს.