საჯარო ლექცია

ბერლინის უნივერსიტეტის პროფესორმა, რუდიგერ ანდრესენმა 25 ოქტომბერს, 12 საათზე, საქართველოს ტექნიკური უნივერსიტეტის ბიზნესტექნოლოგიების ფაკულტეტზე ჩაატარა საჯარო ლექცია თემაზე – „ოპერატიული და სტრატეგიული კონტროლი ორგანიზაციებში“.
ლექციას ესწრებოდნენ საქართველოს ტექნიკური უნივერსიტეტის ბიზნესტექნოლოგიების ფაკულტეტის ბაკალავრიატის სტუდენტები, ასევე ამავე ფაკულტეტის პროფესორ–მასწავლებლები.
საჯარო ლექციამ დიდი ინტერესი გამოიწვია. პროფესორმა ანდრესენმა პრაქტიკულ მაგალითებზე დაყრდნობით აღნიშნა, რომ თანამედროვე სწრაფად ცვალებად სამყაროში ძალზე აქტუალურია მენეჯერების მიერ ახლებური კონტროლის უზრუნველყოფა და გააანალიზა ოპერატიული და სტრატეგიული კონტროლის აქტუალური საკითხები თანამედროვე ორგანიზაციებში.
ლექციის ბოლოს პროფესორმა ანდრესენმა უპასუხა დასმულ შეკითხვებს, რომლებიც შეეხებოდა გერმანული ფირმების გამოცდილებას, გერმანიისა და საქართველოს ურთიერთთანამშრომლობის საკითხებს, ასევე საქართველოს პერსპექტივებს
ევროკავშირში გაწევრიანების კუთხით.