16 ოქტომბერს, სსიპ ფინანსთა სამინისტროს აკადემიის წარმომადგენლები შეხვდნენ ბიზნესტექნოლოგიების ფაკულტეტის სტუდენტებს.
შეხვედრის ფარგლებში აკადემიის წარმომადგენელმა სტუდენტებს მიაწოდა ინფორმაცია აკადემიის მიერ დაგეგმილი აქტივობების, მათ შორის სასწავლო კურსზე "ფინანსების მართვის პრინციპები კერძო კომპანიებში" კონკურსის წესით მიღების გამოცხადების შესახებ.
სტუდენტებისთვის დაგეგმილი სასწავლო კურსის მიზანია პრაქტიკული ცოდნის მიღება კერძო სექტორში ფინანსების მართვასთან დაკავშირებულ საკითხებზე.
კონკურსში გამარჯვებულ სტუდენტებს საშუალება ექნებათ უფასოდ გაიარონ სასწავლო პროგრამა.