28 მაისს სტუ-ში ჩატარდა პროფესორ-ემერიტუს კონსტანტინე კამკამიძისადმი მიძღვნილი სამეცნიერო-პრაქტიკული კონფერენცია „ციფრული ტექნოლოგიები: დღევანდელობა და გამოწვევები“. კონფერენცია გახსნა სტუ-ს რექტორმა ა. ფრანგიშვილმა, მან ისაუბრა კ. კამკამიძის ღვაწლსა და დამსახურებაზე ქართული საინჟინრო მეცნიერების განვითარების სფეროში.
პლენარული სხდომის შემდეგ კონფერენცია სექციური მუშაობით გაგრძელდა. სექციებზე მოხსენებები წარმოდგენილი იყო შემდეგი მიმართულებებით:·
ინოვაციური ციფრული ტექნოლოგიები;
ციფრული ტექნოლოგიები და კომუნიკაციები ტექნოლოგიურ პროცესებში;
საინფორმაციო-საკომუნიკაციო ტექნოლოგიები განათლებაში, ინჟინერიასა და მეცნიერებაში.
სტუ-ს პროფესორ-მასწავლებლებთან და სტუმრებთან ერთად სამეცნიერო კონფერენციაზე საინტერესო და აქტუალურ თემატიკაზე
დაფუძნებული მოხსენებები წარმოადგინეს კ. კამკამიძის ყოფილმა მოსწავლეებმა და სტუდენტებმა, რომელთა ნაწილი დღეს საქართველოს ტექნიკურ უნივერსიტეტში ეწევა აქტიურ სამეცნიერო-პედაგოგიურ მოღვაწეობას.