07/29/2022
![](/Suss/Images/284874545_1348952618929654_1428831730841789024_n.png)
2022 წლის 13 – 17 ივნისს, Erasmus+ გაცვლითი პროექტის ფარგლებში, აკადემიური საქმიანობის განხორციელების მიზნით, საქართველოს ტექნიკურ უნივერსიტეტს სტუმრობდა პროექტის კოორდინატორი ჟეშუვის ტექნოლოგიური უნივერსიტეტის (Rzeszów University of Technology - RUT) (ჟეშუვი, პოლონეთი) მონუმენტთა კონსერვაციის დეპარტამენტის ასოცირებული პროფესორი ტომაშ ტომაშეკი (Tomasz Tomaszek).
![](/Suss/Images/285010116_1276179206246680_8442401170403966238_n.png)
ახალგაზრდა პოლონელმა არქიტექტორმა ტექნიკური უნივერსიტეტის დიზაინის საერთაშორისო სკოლისა და არქიტექტურის, ურბანისტიკისა და დიზაინის ფაკულტეტის სტუდენტებისა და პროფესორ-მასწავლებლებისთვის წაიკითხა ონლაინლექცია კონსერვაციის პრობლემებზე ადგილობრივ ისტორიულ ხის არქიტექტურულ ძეგლებთან დაკავშირებით, სამხრეთ-აღმოსავლეთ პოლონეთში შემორჩენილი ბერძნულ-კათოლიკური ისტორიული საეკლესიო ნაგებობების მაგალითზე.
![](/Suss/Images/285073713_805371083781103_7092143967743893780_n.png)
ლექცია საკმაოდ საინტერესო აღმოჩნდა მსმენელებისთვის და პოლონელ და ქართველ კოლეგებს შესაძლებლობა მიეცათ, ერთმანეთისთვის გაეზიარებინათ თავიანთი პროფესიული გამოცდილება ხის არქიტექტურული ძეგლების რესტავრაცია-კონსერვაციის მიმართულებით. ლექციის დასასრულს ასოც. პროფ. ტომაშეკმა უპასუხა ქართველი სტუდენტების მხრიდან დასმულ შეკითხვებს.
![](/Suss/Images/286927646_747382280018478_7655161885824812352_n.png)
მობილობის პერიოდში სტუ-ს საერთაშორისო ურთიერთობების დეპარტამენტში გამართულ სამუშაო შეხვედრაზე პოლონელი არქიტექტორი შეხვდა Erasmus+ მობილობის პროექტით სტუ-ში მყოფ თურქ კოლეგებს სტამბოლის Bilgi უნივერსიტეტიდან, ჰილმი დიონმეზსა (Hilmi Dönmez) და ბარიშ ასლანს (Barış Aslan).
![](https://gtu.ge/Suss/Images/295664369_724947182139698_7916649595099850340_n.jpg)
პოლონელმა და თურქმა კოლეგებმა ერთმანეთს გაუზიარეს Erasmus+ ინსტიტუციური განვითარების პროექტების განხორციელებასთან დაკავშირებული გამოცდილება თავიანთ უნივერსიტეტებში.
![](https://gtu.ge/Suss/Images/296273562_1115763555954804_8160555096421423344_n.jpg)
ტექნიკურ უნივერსიტეტში მობილობის პროგრამა ითვალისწინებდა სხვადასხვა სოციალურ-კულტურულ აქტივობებსაც და სტუ-ს საერთაშორისო ურთიერთობათა დეპარტამენტის ხელშეწყობით, ახალგაზრდა პოლონელ არქიტექტორს შესაძლებლობა მიეცა, გაცნობოდა საქართველოს ისტორიულ ძეგლებს და თბილისის პოპულარულ არქიტექტურულ ნაგებობებს, დაეთვალიერებინა თბილისის ღირშესანიშნაობები.
სიახლეებში დაბრუნება